Құштарлық

rss Поэзия, ғашығым қасыма алған... 23 июня 2011
Мөлдір Махаббат*
 

Сезім нұры жауғанда себелектеп,

Ермен мұңға мас болған ебелектеп.

Қызыл гүлдің жабысып қауызына,

Қонса жалғыз қоңырқай көбелек кеп…

Ол менмін ғой,

Әлдене керек еткен.

 

Жетім көлшік бөленіп шұрылға сан,

Маңғаз тірлік айтқанда жырын масаң.

Бозала таң атқанда бозторғай кеп,

Терезеңе қонақтап шырылдаса,

Ол менмін ғой…

Қайтейін ұғынбасаң.

 

Тырналарын түн бойы тыраулатқан,

Мұңлы әуенге тұншығып мұнарлы аспан.

Қара жолдың үстінде қайғы құшып,

Жапырақты көрсең сен құлап жатқан…

Ол менмін ғой,

Сені ойлап жылап жатқан!

 

Қыңыр боран қымсынбай қыңсыласа,

Қыңсыласа,

Бір сәтке тыншымаса.

Сенің алма жүзіңді аяз келіп

Ақырын шымшыласа…

Ол менмін ғой сүюге құштарланған,

 

Жүрегіңнен бір күні бүршік атам…

Т.Таңжарық



512
  • Anarka Must Anarka Must 24 июня 2011, в 12:00:53
    Әдемі…
    ответить
Чтобы оставлять комментарии Вам необходимо войти или зарегистрироваться