Сообщества  >   Азаттық Радиосы  >   Алтын өндіруші Асаубаевтар KazakhGold қаржысын ұрлады деп айыпталды

Алтын өндіруші Асаубаевтар KazakhGold қаржысын ұрлады деп айыпталды

rss Азаттық Радиосы 30 июня 2010
Азаттық Радиосы
 

http://bit.ly/dmkyJI


30.06.2010
Талғат ДҮЙСЕНБЕК

KazakhGold осы компанияның бұрынғы басшылары Асаубаевтар отбасын сотқа берді. Алтын өндіруші компания жауапкерден 450 миллион доллар талап етіп отыр.

Маусымның 25-і күні Лондондағы Жоғарғы сот KazakhGold компаниясының Асаубаевтарға қарсы азаматтық шағымын қарай бастады. 

Сот процесі - кезінде KazakhGold компаниясы басшылығы құрамында болған Асаубаевтар отбасының бес мүшесіне қатысты. Олардың арасында KazakhGold директорлар кеңесінің бұрынғы атқарушы төрағасы Қанат Асаубаев пен директорлар кеңесінің бұрынғы орынбасары Айдар Асаубаев бар. Айдар Асаубаев 2010 жылғы маусымның 17-сіне дейін компанияның директоры қызметін атқарған.

Алтын өндіруші компания оларды бірнеше жыл көлемінде компания қаржысын ұрлап келген деп айыптап отыр. KazakhGold таратқан ақпаратта 2006 жылғы 200 миллион долларлық облигациялар компания есебіне емес, жауапкерлердің пайдасына жаратылған, оны жасырып қалу үшін жалған келісім-шарт жасалған делінеді. 

Бұған қоса, KazakhGold жауапкерді «алтын өндіруші компанияны алдап сатқан» деп айыптап отыр. «Полюс Золото» KazakhGold компаниясының акцияларын 2009 жылы тамызда 270 миллион долларға сатып алған еді. Ресейлік компания KazakhGold акцияларының 50,1 пайызына иелік етеді.

Шағым түсіруші іске қатысты бұдан басқа мәліметтер жарияламады. Сот енді ғана басталғандықтан KazakhGold оның нәтижелеріне қатысты болжам жасауға ерте деп есептейді, бірақ қосымша мәліметтер алдағы күндері жарияланады деп хабарлады.

Қазақ алтынына қатысты даулы істің жауапкерлерімен хабарласу мүмкін болмады.

KazakhGold Қазақстандағы Ақсу, Бестөбе және Жолымбет алтын кеніштеріне иелік етеді. Компанияның 25 пайыз акциясы 2005 жылы алғаш рет Лондон қор биржасына шығарылды.



273
Чтобы оставлять комментарии Вам необходимо войти или зарегистрироваться