ON.KZ. Блог пользователя Anarka Must

Жас шеберлердің шеберлігі

Anarka Must — Mon, 02 Apr 12 12:04:14 +0600

Бір жылдан аса уақыт бұрын «Ғаламарт» шығармашылық жастар клубы көз алдымда ашылды десем болады. Энтузиазст жастар қолынан іс келетін, қолөнермен айналысатын, ұлттық аспаптар жасайтын шебер жастарды жинап, клуб ашты. Қазірде біраз жетістікке жеткен клуб мүшелерінің жұмыстары көрмелерге шығып, халықтың ықыласына бөленіп, тіпті кейбірінің қолданысына еніп те үлгерген.

Бұл жолы қазақ ұлттық аспаптарын жасайтын шеберлердің жұмыстары көрмеге қойылып, ел назарына жол тартты. Үлгілі шәкірттер домбыра, сазсырнай, сазген, жетіген және т.б. қазағымыздың төл мұраларын жоғалтпай, осы күнге жеткізіп, дамуына үлес қосып жатыр. «Дала сазы» деген атау алған көрмеде жас шеберлердің туындылары көрмеге қойылып, 28 наурызда Орталық музейде ашылу салтанаты өтті.

«Ғаламарттың» музыкалық аспаптар бойынша бас сарапшысы Жолаушы Тұрдығұлов жас шеберлерге марапаттау қағаздарын үлестірді.

Және тағы да басқа үлкен ағаларымыз бастамаларына сәттілік тілеп, ізгі тілектерін жаудырды.

Ал енді көрмеден суреттер:

Байқасаңыздар, үстіңгі жағында аспапты жасаған шебердің аты-жөні, суреті бар.

Міне, осылай "Ғаламарт" шығармашыл жастар клубының өнер туындыларын тамашалап, сәттілік тілеп кете бардық. Көрме Алматы қаласының Орталық музейінде 10 сәуірге дейін жалғасады. Барып, тамашалаймын дегендерге есік ашық.

Таксидегі әңгіме-2 немесе Төрт әйел алу мәселесі

Anarka Must — Fri, 30 Mar 12 12:03:14 +0600

Таксидегі әңгіменің бірінші бөлімі мына жерде. Таңертең таксиде келе жатып, жүргізуші мен жолаушының әңгімесіне куә болдым.

Жүргізуші:
— Менің көршімнің 4 әйелі бар! (қолын шошайтады)
Жолаушы:
— Әлхамдуллила!
— Былтыр қаңтарда төртінші әйелін алды!

— Әлхамдуллила!
— Төртеуі қандай тату десеңші!
— Әлхамдуллила!
— Төрт әйелі бар ғой көшеге шыққанда қолдарынан ұстасып жүреді. Өзім бірнеше рет байқағам. Қандай тату десеңші!
— Машаллах!
— Былтыр түскен әйелінен бала бар ма, жоқ па білмедім. Бірақ әр әйелінен екі баладан, үш баладан бар.
— Машаллах!
— Балалары ауласында ойнап жүреді. Сосын бар ғой, ешқашан қақпаларын жаппайды ғой.
— Әлхамдуллила!
— Мұсылмандарда бар екен ғой, қақпаны ашып қояды. Елдер кірсін, көрсін деп.
— Ия, ия, машаллах!
— Алдында бір имам сөйлеп отыр теледидарда. Оның да 4 әйелі бар екен, солардан 7 баласы бар.
— Әлхамдуллила!
— Сөйтіп диктор сұрап жатыр да қазіргі кезде 2 баланы асырай алмайтындар жүр. 7 баланы асырау қиынға түспей ме?- деп
— Ия, ия.
— Сөйтіп, имам айтады: «Жеңіл нар жатақ келеді» деп. Яғни, жүгің жеңіл болса ерініп, жата бересің. Бала-шағаң көп болған сайын солардың қамымен еңбектенуге тырысасың.
— Әлхамдуллила!
— Мысалы, біз отбасымызда 8 ағайындымыз.
— Машалла!
— Құдайға шүкір, бәріміз жеттік, ішіп кеткен жоқпыз, аман-есен аяққа тұрдық. (Осы кезде маған ой келді, сол 8 баланы бұрын бір анаға ғана табатын еді ғой)
— Машалла!
— Жалпы Ислам деген таза ғой. Исламда айтқан екен «Кітабы жоқтан қорық!» деп. Орыстардан қорықпау керек, оларда библия бар. Басқа да діндердің кітаптары бар. Бірақ мына қытайдан қорқу керек. Олар тасқа табынады. Солардан қорқыуымыз керек. (Жап-жақсы әңгімені осылай құртады ғой (((( )
— Ия, ия.
— Өзің үйленгенсің бе?
— Ия, 18 жастағы қызым бар бірінші әйелімнен.
— А, сенің де тоқалың бар ма?
— Жоқ, онымен ажырасып кеткем. Осы 4 жыл бұрын тағы үйлендім. Әйелім өзімнен 14 жас кіші.
— Аа, жақсы ғой. Негізі Исламда 13 жас қой. Бірақ дұрыс, ештеңе жоқ. Асаналі Әшімов мысалы, әйелі өзінен қаншама жас кіші. Тұңғышбай Жаманқұловтың да әйелі 25 жас кіші ғой өзінен, өзінің студенткасын алып отыр.
— Жас болған соң қиындықтар болды. Қазір үйрендік. Орамал тағады. Тағы бір қызым бар одан.
— Дұрыс. Дұрыс. Қыздарға жағдайы жақсы жігіт болса 2-3 әйел болып тиіп алу керек. Жасы үлкен, анау-мынау деген бос әңгіме.
— Ия, қазір отыздан асып, байсыз бала тауып алғандар көп. Мен де 18 жасар қызыма айтамын, оқуды да оқы. Бірақ сенің міндетің болашақ жар, ана болатыныңды ұмытпа деп ескертіп отырамын.
— Әрине. Дұрыс қой. Қазіргі кезде әйелдер тым ерке болып кеткен, көлік айдайды. Бұзылса соны жөндей де алмайды ғой.
— Сол Исламда бәрі табиғатпен байланысты ғой. Табиғаттың балансын бұзбау керек. Әр кім, әр нәрсенің өз орны, өз міндеті бар.

Біреулер жай лепіреді, ал біреулер 4 әйел алып, көбейіп жатыр, ағайын...

Жұлдыздардың көп жарияланбаған суреттері

Anarka Must — Mon, 26 Mar 12 15:58:52 +0600

Әлем жұлдыздарының галлереясы осы күні тарих беттеріне жазылып қалатын тың дүниелер болып қалды. Бүгінгі күн — ертеңгі тарих деген осы. Бір кездері жай ғана құшақтасып түсе салған сурет біраз жылдардан кейін миллиондаған ақшаға сатылатын құнды мұрагер болатынын кім білсін?

Джими Хендрикс пен Мик Джаггер, 1969 жыл. Соңғысы қазір біраз қартайса да энергиясы таусылмайтын өнер майталмандарының бірі. Джими Хендрикс- 60-70-жылдардың үздік гитаристі.

Битлз тобы және Мохаммед Али, 1964 жыл.

Мерилин Монро және Елизавета Екінші патшайымы, 1956 жыл.

Арнольд Шварцнеггер және Шакил О'Нил. Арнольд та біреулерден кішкентай болады екен.

Чарли Чаплин мен Альберт Эйнштейн. Екі "әлемнің" адамдары, қызық. ))

Диана ханым мен Терезе ана.

Сальвадор Дали және Коко Шанель

Мадонна, Стинг және Тупак Шакур. Аңыз адамдар.

Стив Джобс пен Билл Гейтс, достар.

Жас Билл Клинтон мен Кеннеди — недеген кадр!

Ян Флеминг және Шон Коннери. Біріншінің «Казион Рояль» кітабымен «Джеймс Бонд» фильмі түсірілген.

Джонни Кэш және Рэй Чарльз.

Элла Фицджеральд пен Луи Армстронг. Осы сурет үшін көптеген жанкүйерлер мұражайға кезекке тұрады.

Чарли Чаплин және Ганди. Екеуін не байланыстырды екен?

Суреттер: diary.ru сайтынан алынды.

Соңғы шыққан жаңа ақшалар

Anarka Must — Tue, 20 Mar 12 18:28:32 +0600

Соңғы кездері ақшалардың дизайнын түрліше жаңартып жүр. Кейде 1000 теңгені 2000 тг деп қаласың. Ал жаңа 5000 теңгелік тіпті орыс рублін еске салады.

Ал енді жаңа 50 теңгелік тиындарды қарсы алыңыздар.

Аю-хат

Anarka Must — Sun, 18 Mar 12 23:42:50 +0600

Қазіргі уақытта поштамен хат жіберу азайып кеткені анық. Бұл дерт бүкіл әлемді жаулап барады. Адамдар поштамен хат жіберуді қойып, электронды поштаға көшкен. Осы кемшіліктің орнын толтыру үшін креативті адамдар аю-хат ойлап тапқан екен. Аю суға төзімді, берік материалдан жасалған. Оған хат жазу үшін жай ғана қалам, ал оны жіберу үшін оған марка жабыстырып, мекен-жайын жазып жіберсеңіз болғаны.

Бір күні поштадан осындай хат келіп тұрса кімді болмасын қуантары анық. Жақыныңыздын көңілін-көтергіңіз келсе осындай аю-хат жіберіңіз. )

Еркектерді жылататын фильмдер

Anarka Must — Mon, 05 Mar 12 19:24:19 +0600

Фильмге қыздардың жылауы қалыпты құбылыс екені мәлім. Британдық «BBC News Magazine» журналы жүрекке тиіп, көз жасқа ерік бергізетін фильмдер рейтингісін құрыпты.

Бірінші орынды «Сақиналар әміршісі: Корольдің оралуы» («Властелин колец – Возвращение короля») фильмі алған екен. Ең жан тебірентерлік сәт, соңғы бөлімде кейіпкерлердің қоштасуы болып саналады. Бұл сәттің сезімдерді тербеуінің тағы бір себебі әуенінің де әсерлілігінде дейді оқырмандар. Фильмнің музыкасын жазған Говард Шор екі «Оскар» иегері екен.

«Шоушенктен қашу» («Побег из Шоушенка») картинасы екінші орынға ие болды. Көрермендердің көбі фильмдегідей мықты достықты қалайтындарын айтыпты. Және үшінші орынды «Жоғары» («Вверх») мультфильмі иеленген. Бір көрермен осы мультфильмге мынадай пікір қалдырыпты: «Отбасымызда қайын атамнан басқасының бәрі жылады. Қайын атам жылаған жоқ, өйткені ол — робот».

Фильмдердің орналасу реті мынадай:

4-орын. «Көкек ұясының үстімен ұшқанда» («Пролетая над гнездом кукушки»). Еркектердің көбін картина финалының драматикалық аяқталуы тебірентіпті.

5-орын. «Марли және мен» фильмі.

6-орын. «Чемпион» фильмі. Бір көрермен кинотеатрда отырғандардың барлығы жылады деп жазыпты. Және сол күні кинотеатрдың тең жартысы әскери адамдар болған екен.

7-орын. «Николас Спаркстің қойын дәптері» («Записная книжка Николаса Спаркса»). Бір Боб деген көрермен осы фильмді ұшақта көріп, жылап келдім депті.

8-орын. «Бэйб» фильмі.

9-орын. «Оның армандарының алаңы» («Поле его мечты»)

10-орын. «Отты колесница» («Огненная колесница»).

Сонымен қатар, тізімге «Железнодорожные дети», сауна жайлы «Пар жизни» фин деректі фильмі, Том және Джерри жайлы 1941 жылы шыққан «Ночь перед Рождеством» мультфильмі, «Мэри Поппинс», «Жизнь прекрасна», «Мост в Терабитию», «Зеленая миля», «Моя собачья жизнь» және «Искренне, безумно, сильно» фильмдері кірген.

Мен еркектердің фильмге жылағанын тек бір рет қана көрдім. Ол Еркін Рақышевтің «Жетімдер» фильміне.

Ал өзім «Хатико. Ең адал дос» фильміне кәдімгідей жылағаным есімде.

Ал, жігіттер, қыздар, жылататын фильмдерді еске түсірейік?

Тәулік бойы еріну

Anarka Must — Tue, 21 Feb 12 17:30:44 +0600

Адам өмірінің күнделікті тірлігі ерінумен басталады. Таңертең тұруға еріну, ұйқыңды қимау, бес минут сайын ұялы телефонның будильнигін өшіріп, жата тұру...

Әйтеуір тұрасың, жуыну керек болған соң жуынасың, бірақ шай қойып, шай ішуге ерінесің. Шайдың жарасы жеңіл ғой, бірақ тамақ болса жылытуға ерінесің, жұмыртқа болса қуырып жеуге ерінесің, каша болса суға салып, пісіруге ерінесің.

Автобус аялдамасына дейін жүруге ерінесің, жолда тоқтай салса деген үмітпен тоқтатып көресің, кейде ерінуге + ұйықтап қалғаныңды қосып таксимен бара салуды жөн көресің.

Жұмысқа келген соң шай ішесің, бірақ дүкенге барып, тіске басар алуға ерінесің. Жұмыста қалған печенье/прәндікті жей тұрасың.

Түскі аста далаға шығып, жақсы бір асханаға барып, тамақтануға ерінесің. Сол себепті тамағы аса дәмді емес, бірақ жақын асхананы таңдайсың.

Түс қайта мойын, қолдарың құрысып, жаттығуға сұранып тұрады. Сонда да орныңнан тұрып, жаттығу жасауға ерінесің. Жалпы жаттығу залына бару ойда бар, бірақ оған баруға еріну жол бермей жүр.

Кешкісін тағы бір сағат автобуста тұруды ойлап, күйініп кетесің. Бос жиналыстарға баруды айтпаса да болады.

Тамақ жасауға ерінесің, кешегі бар тамақты, не дүкеннен жеңіл тамақтар сатып ала саласың.

Шашың майланып кеткенін байқайсың, бірақ бір күнге шыдайтын сияқты болып көрінеді, жуынуға ерінесің. Кейде таңертең тұрып, амалсыз жуасың. Жалпы жуыну проблема.

Кітап оқып тастауға болар еді, немесе одан да бір пайдалы істермен айналысуға болар еді, бірақ ноутбугыңды құшақтап, не фильм қарайсың, не интернет аралайсың… Сөйтіп, біреу төсегіңді салып бере ме деп күтіп жатып, салмаса төсек салуға ерініп, ұйқыға кетесің.

Ерінумен күресейік, достар! Қандай амалдар ұсынасыз?

"Жігіт қайдан тапсам?.."

Anarka Must — Thu, 16 Feb 12 18:21:16 +0600

«Жігіт қайдан тапсам?..» — осы сұрақпен көптеген бойдақ қыздар бас қатыратыны анық. Әрине, көктем келе жатыр, жан-жақта қол ұстасқан жұптар бір-бірін мейірімге бөлеп, бақыттан бастары айналып жүргендей. Ал сен болсаң жалғыздықта сол бір ақ боз атты ханзаданы күтумен күндерді өткізудесің. Сол «бір адамға» жолықтырудың нақты ешқандай формуласы жоқ екені мәлім. Алайда бұл сәтті жақындатуға мүмкіндік бар. Ең әуелі жұмысты өз ішіңе үңілуден бастауың қажет. Бұл жайлы «Арманыңа жолықтырар 16 қадам» мақаласын оқуға кеңес беремін. Соңына дейін оқып, нұсқаулықтарды орындаған қыз көп ұзамай өз бақытын табады деген үміттемін.

Сүр бойдақ хикаясы

Anarka Must — Tue, 14 Feb 12 16:56:44 +0600

Қыздардан жігіттер көп заманда сүр бойдақ болып өмірден өтетін жігіттер де жоқ емес. 40-тан асқан сүр бойдақтарды көргенде таң қалатын едім. Қалайша? Әлемде толған басы бос қыздардың арасынан теңін таба алмағаны ма деп… Алайда, бұл өмір ғой. Өмірде бәрі болады.

Корей киноиндустриясы бұл тақырыпты да кенде қалдырмапты. Жалғыз өмір сүруді ұнататын және ешқашан үйленгісі келмейтін кейіпкерді алып, шыр айналдыра махаббат әлегіне салады. Шындығында, актер Чжи Чжин Хи (Ji Jin Hee) өмірде үйленген, екі баласы бар екен. Бірақ соған қарамастан сүр бойдақтың рөлін керемет алып шыққан.

Ал, актриса Ум Чжун Хва (Uhm Jung Hwa) әрі күйеуге шықпағандар қатарында. Біраз жасқа келіп қалғаны анық. Алайда, корей шоу-бизнесінде бәрі құпия түрде. Сол себепті ресми түрде ғана басы бос болуы мүмкін. Негізінде Ум Чжун Хва әнші екен. Бірнеше клиптері шыққан, танымал.

Ал Ким Со Юн (Kim So Eun) мен Ю А Ин (Yoo Ah In) «Корей толқынының» айдолдары болып саналады.

Өте қызықты, комедиялық жанрдағы дорама. Бұл дораманы сіздер күнделікті Хабар арнасынан таңғы 10-да көре аласыздар. Дорама жайлы мына жақта әңгімелесейік.

“Маған тек махаббат керек еді…”

Anarka Must — Sat, 11 Feb 12 22:22:41 +0600

«Жігіттің сарбаздарын» (“Лучшие парни”, “Boys over flowers”) біздің елдің 50 пайызы көрген шығар. Басынан бастап болмаса да, әйтеуір кәрістердің шырттай киініп алып, теледидар жаулап жатқанына құлағдар. Осы сериалды мен «Ел Арнадан» қаншама рет қайталаса да толық көре алмай жүргем. Бір күні жұмыстар шығып қалады, бір күні «свиданиеге» барасың деген сияқты…)

Осы жақында көрген адамдармен «в теме» жүрейін деп, интернеттен бәрін көшіріп алып, басынан-аяқ қарап шықтым. Бір сөзбен айтқанда – Ұнады! Әттең, студент кезімде, жоқ… cол бір махаббатқа қайғырған уақыттарымда көрсем-ші деген ойлар келді. Онда мен осы сериалдың №1 фанаттарының арасынан табылар едім.

Актерлер, жігіттер, бәрін қойшы, музыканы, саундтректі айтсаңшы… Осы сериалдың жапон нұсқасынан кейін барлық кемшіліктерді ескере отырып, қайта түсіргендегі ең үлкен артықшылығы осы музыкасы болар (Жанка ренжімесін, негізі мен онымен жақтасып жапондарды мақтап жүрген едім ))). Қай бір кезі «Hana Yori Dango»-дағы өлеңді мақтап едім, енді есім басқа жаққа ауды.)

Сюжетте естеріңізде шығар, Ку Чжун Пе Макаодан келіп, туған күнін жасайды. Сонда анасы Чан Ди-ді шығарып, өлең айтуын сұрайды. Жылаған жүрегімен батыл қызымыз шығып, фортепианода көңілсіз бір әнді шырқайды. Негізі бір шумағын, онда да жылап қалмай даусы дірілдеп айтса да, өлеңнің сазы бос дүние емес екені көрінді. Ал кеп, интернет ақтардым…

Айтқандай, ән Кореяда танымал туындылардың біріне жатады екен. Көптеген адамдар караокеде осы өлеңді айтуға құмар. Әлбетте, жауапсыз сезімнің мұңын сазды әуенмен жеткізетін бірден бір туынды. Бір ретте Clazziquai тобындағы Alex жайлы жазып едім ғой, міне, осы әнді айтатын Horan да (шын есімі – Choi Soo Jin) осы топтың әншісі. Осы әнді Dave Koz есімді саксофоншымен бірігіп жазған екен. Негізі саксофон көп әндерді лирикалық тұрғыда жақсы ашатын сияқты.

Бәрінен де осы әннің мағынасы мықты ұнады. Артық сөз жоқ, ішкі сыр,«Маған тек махаббат керек еді…» Аударманы мына жерден көре аласыздар.

K-POP жанкүйерлерін табыстырған кеш

Anarka Must — Mon, 09 Jan 12 15:48:07 +0600

Жаңа жыл қарсаңында, корей табынушыларының басын қосқан «1-st K-pop Party» кешіне қатысу бақыты бұйырды. Бұрындары, яғни біз жас кезімізде Кристина Агилера, Бритни Спирс, Backstreet boys сынды әншілерге еліктесек, осы күннің жастары k-pop саңлақтарына еліктейді екен. Көбіңізге Корей мәдениеті теледидарда көрсетіліп жатқан сериалдармен шектелсе, бүткіл әлем бойынша миллиондаған жастар осы күні белең алған k-pop өнерінің табынушылары болып саналады.

Бірегей жастар жиналған бұл кеште Кореяның әйгілі Girls Generation (SNSD), Wonder girls, SS501 сияқты топтардың репертуарларынан әндер айтылып қана қоймай, киімдерін тіктіріп, ұқсас имидж жасап, кәдімгідей бір концерт өтті. Халлю (Корей толқыны) жұлдыздары әзірге елімізге ат басын бұра қоймаса да, олардан кем ән айтпайтын, тіпті түрлеріне дейін ұқсатып алған жанкүйерлер бар екенін білсе деген мақсатпен осы шара ұйымдастырылып отыр. Әрі қарай оқу… Читать далее...

Енді піл керек-ау

Anarka Must — Thu, 08 Dec 11 13:43:18 +0600

Дағбит (Самарқанд маңындағы ірі қышлақ) ишаны мүридтерін ертіп, Насреддиннің үйіне қонаққа келе қалғаны...

Жұтаңдау дастархан басында отырып, ишан:

— Аса құрметті әпенді, ниетіңді құдай жарылқасын. Бүгін түсімде марқұм әкеңді көріп шығып едім. Жарықтық маған келіп, «сен барып менің ұлыма айтшы: ишан атанған адамға жаяу жүрген жараса ма? Өзім тірі болсам, бұқараның ақ есегін сатып алып берер едім, амал қанша» деп опынды, — дейді.

Тұспал түсінікті. Көп ұзамай әпенді байғұс Самарқандтың базарынан ақ есек сатып алып, ишанға сыйлауға мәжбүр болды.

Бір ай өтпей жатып ишан ақ есегіне мініп, әпендіге келді:

— Аса құрметтім, марқұм әкең тағы түсіме енді. Бұл жолы ол: «Қасиетті адамның есек мініп жүргені аруағымды қорлағандай. Егер мен тірі болсам мұндай қорлыққа шыдай алмай, ұяттан бір жақсы ат сатып алып берер едім» дегені, — деді.

Әпенді соңғы тиын-тебенін жиып-теріп, ишанға ат сатып алды.

Көп үзамай тайпалған жорғаға мініп, ишан тағы келді.

— Уа, қадірлі әпенді, әкең бүгін түнде түсіме еніп, — дей бергенінде қожа оның сөзін бөліп:

— Ғафу етерсіз, менің марқұм әкем көп жыл жәннатта болып, жаны рахатқа бөленіп жүргенінде жер бетінде піл деген жануардың жоғалып кеткенін ұмытып қалғаны ғой. Әйтпесе, ишан ағзам, сіз сияқты қасиетті адамды үйдей үлкен жануардың үстіне мінгізіп қоюға ниеттенбес еді-ау, — деді.

Өз-өзіме үндеу

Anarka Must — Fri, 02 Dec 11 09:55:49 +0600

Бүгіннен бастап...

1. Ойланамын, сосын сөйлеймін.

2. Ішімді жарып бара жатса да өсек айтпаймын.

3. Біреудің жеке өміріне араласпаймын.

4. «Любопытствоны» екі есеге қысқартамын. (Кейбір нәрселерді білгеннен білмеген артық)

5. Интернеттегі болмашы пікірлерге жүйкемді құртпаймын.

6. Өз өміріме өзім жауапкершілік аламын.

7. Кез-келген сәтсіздікті өзім шақырып алғанымды түсінемін.

8. Өз ойымды білдірсем де ешкімге зиян тимейтіндей айтамын.

9. «Жыным келеді», «жек көремін» деп айтуды қысқартамын.

10. Эмоциямды барынша басқаруға, сабырлы болуға тырысамын.

11. Жолмен болатын стресстерге сабырлықпен қараймын.

12. Үміттенемін, бәрі жақсы болатынына сенемін.

13. Жақсы көремін, бақыт сыйлаймын.

14. Позитивпен өмір сүремін!

"Жұлдыздар фабрикасы" Қазақстанда

Anarka Must — Mon, 28 Nov 11 10:01:00 +0600

«Жұлдыздар фабрикасы» байқауының көрсетіліп жүргеніне біраз болды. Басынан көрдім десем болады, бірақ біраз уақытқа дейін конкурсанттардың аттарын жаттай алмай әлек болдым. Бұл конкурстың басқаларынан ерекшелігі өте көп. Ең бірінші кілең жастар қатысты. Және көбі музыкадан жұрдай емес ұлдар мен қыздар.

Ең басынын Тараздан келген Дәулет Болатовқа жанкүйер болдым. Өйткені тек қазақша сөйлейді, бұл енді басқа тілдің менсінбеушілігінде емес, жай ғана орыс тіліне шорқақ екенін біліп, ешкімнен қорықпай шыққандығында деп білемін. Ол өзі көптеген әндерді гитарада ойнап, Youtube-ке салып отырған екен. Көптеген конкурсанттар өз әндерін шығарып, осы жерде көрсетуге мүмкіндік алды. Және Дәулеттің шығарған "Әгугай" әні ең хитовый болды десем артық айтқаным емес.

Және қазір жартылай финалға қалғандарының бәрі дарынды жастар. Ален Самыкенов, Әли Оқапов, Марина Бейсеханова, Алишер Егембердиев, Равиль Исаков, Назима Жанибекова, Батыржан Тазабеков. Ең соңғысының даусы өте зор, керемет. Бірақ харизма жағынан басқалардан қалып қалады.

Маған тағы Өскемендік Оксана Устина ұнап еді, бірақ кеше шығып кетті. Жалпы барлық конкурсанттар жалындаған жастықтың арқасында өте креативті, белсенді, әрі шоу жасауға құмар. Әрқайсын ертеңгі сахнадан көргім келер еді.

Біраз орысшалау проект болғанымен, идеясы жағынан жақсы деп ойлаймын. Қазақ эстрадасының нағыз жұлдыздарын жағатын жоба болсын деп тілеймін! ))

Алтайдың ар жағынан келген Шаба

Anarka Must — Thu, 17 Nov 11 11:40:16 +0600

Шаба Әденқұлқызы атты ару әнші дүйім жұртқа таныла қойған жоқ. Шабаны (дұрысында Шәбә екен) көптеген концерттерде халық әндерінің орындаушысы ретінде байқап жүрдім. Халық әндерінің колоритін бұзбай, зор, әдемі дауысымен орындағанда сондай ләззат алатын едім. Міне, сол Шабаның жеке концерті болады дегенді естіп, бармасам болмас дедім. Бір жағынан сол халық әндерімен сусындап, екінші жағынан жаңадан көтеріліп келе жатқан әншіні қолдағым келді.

Шаба сонау Қытай елінен асып келген біздің қандасымыз. Елге оралып, дарынды қыз өнер жолына түсіп, білікті ұстаздардан сабақ алып, түрлі концерттерге шығып жүр. Өзі сонымен қатар өлеңдерге ән жазады екен. Кеше халық әндерінен бұрын өз репертуарындағы әндер көп шырқалды. Алайда бұл кештен соң туған ойым, Шаба талантты әнші, бірақ композитор емес. Өзі шығарған музыканың ішінде ең танымалы «О, туған жер! Қадіріңді кім білген» ән шығар. Шаба ренжімес, жеке менің пікірім.

Осы кеште Шаба Құрманғазы атындағы ұлттық аспаптар оркестрімен, домбырада, гитарада, сонымен қатар музыканттардың сүйемелдеуімен эстрадалық әндерді де шырқады.

Кешке Ақбота Керімбекова, Тоқтар мен Бейбіт, Нұрлан Албан және биші Шұғыла Сапарғалиқызы қонақ ретінде қатысты.

Ақбота Керімбекова Мұқағали Мақатаевтың «Ақымақ-ау, бір көрінсең болмай ма? Табар едім, саған барар жол қайда» әнін айтып шықты, оның сазын да қателеспесем Шаба өзі жазған.

Тоқтар мен Бейбіт баяғы сол қалыптарымен, қол ұстасып, «Бақыттымын» әнін шырқады. Содан соң екі жұп Тоқтардың шәкіртімен шығып «Өмір-өмір» әнін айтты. Шәкірт десе шәкірт, костюмі, тіпті биі де ұқсаған. Оны қандай жаңа дүниеге үйреткені маған құпия болып қалды.

Нұрлан Албан да Шабаның «Алла»деген әнін орындады. Аузы-аузына жұқпай Шабаны мақтап, тіпті қолөнерден де кенде қыз емес екенін айтып қалды. «Дарынды адам бар жағынан дарынды» деген осы да.

Шаба Қытайдан келгендіктен ең бірінші бәрі «Қара жорғаның» биін сұрайды екен. Кеш соңында өзінің орындауында «Қара жорға» әнін шырқады, бишілер «Қара жорға» биін биледі, домбырашылар «Қара жорға» күйін тартты. Қонақ болып келген «Тұран» тобы да осы көрініске жақсы колорит қосып, әдемі қойылым болды деп айтуға болады.

Сөйтіп, кешті тауысып, өз әлемімде Шаба Әденқұлқызы деген жаңа әншіні тудырып қайттым. Репертуарын әркез бақылауда ұстайтын боламын енді.

Ал сіздерге Шаба Әденқұлқызының кешегі кеште орындаған «Көзіңнің мөлдірін-ай» әнін ұсынамын:

Видео Твиттердегі @dark_nazgul ханымның ютубтегі парақшасынан алынды.

«Троечник» байлар туралы

Anarka Must — Fri, 11 Nov 11 10:16:38 +0600

Қазіргі жастарда байқағаным, бір жаңсақ пікір бар: оқымаса да адам болуға болады деген. Бұл менің ойымша, аға буын өкілдеріміздегі псевдо-бизнесмендердің пайда болуына байланысты. «Бұрында екіге екіні қоса алмай жүретін еді, қазір кердиіп адам танымай қалыпты» деген тіркестерді солармен жасты аға буындардан жиі естиміз. Бұны көріп өскен бала не ойлайды? «Аха, бай болу үшін терлеп-тепшіп оқудың да қажеті жоқ екен ғой. Бағым жанса, танысым болса болды» дейді.

Әлбетте, бағы жанатындар да баршылық. Бірақ, мен оны бақ деп айта алмас едім. Бұл түптеп келгенде адамның қабілетіне байланысты сияқты, яғни жеке қасиеттеріне, пысықтық, зеректік, не болмаса ата-анасының бастапқы бизнес ашуға жарнасының арқасы. Бизнес дегенде де, көбіне сол базар: бір жерден арзан бағаға сатып алып, екінші жерге үстіне баға қосып сату. Оған не бас керек? Экономикалық сараптау, биржамен ойнау, инвестиция болса басқа әңгіме. Міне, бизнес, міне, бас саған.

Айналаға қарайықшы, қаншама білімсіз жастар жүр. Орысша түгіл, қазақша екі сөздің басын қоса алмайды. «Мой Мир» желісін ашып қалсаңыз, микроблогта өріп жүрген қателерді көресіз. Күзетші болып жүрген қазақ жастары, ұялы телефон сататын қазақ жастары, стройкада жүрген қазақ жастары. Осылардың барлығы сондай білімді болса бұл салада не істеп жүр? Алайда бір тірліктер жасап, баюды да ойлайды екен бұлар. Іске – сәт дейміз.

Менің ойымша, әсіресе жігіттерге, 35 жасқа дейін өз саласын тауып, ақша табудың көзіне ашып үлгерсе үлгерді, үлгермесе «қолды мезгілінен кеш сермейтін» уақытқа тап болады. Одан кейін сол уақытқа дейін жасап үлгерген ұрпағының аузына қараумен өмірі өтеді. Әлбетте егер саналы ұрпақ тәрбиелей алса.

Сосын, «Қызға оқу не керек? Қосу мен көбейтуді білсе болды ғой» дейтіндерге таң қаламын. Әрине, қыз баланың басты міндеті күйеуге шығып, ұрпақ тәрбиелеу. Бірақ, екіге екіні қосып, ары қарай санау білмейтін әйел ұрпағына не үйрете алады?

Оқу дегенде де, тупо диплом ала салу, сатып алу дегенді білдірмейді. Кәдімгідей кітаптың бетін ашып оқу, есеп шығару, білімді болуға талпыну, іздену. Тіпті бағың жанып шіріген бай болып жатсаң да, тым құрымағанда ой-өрісіңнің кеңеюіне қажеті жарайды.

Сонау он тоғызыншы ғасырда өмір сүріп, бар тіршіліктің мән-мағынасын, білімді жете түсінген Абайдан асқан ұлы бар ма? Әрбір жас Абайдың «Жасымда ғылым бар деп ескермедім, Пайдасын көре тұра тексермедім. Ер жеткен соң түспеді уысыма, Қолымды мезгілінен кеш сермедім» деп жаттаған өлеңдерін жақсы түсініп оқыса игі еді.

Нұрлан, туған күніңмен!!!

Anarka Must — Mon, 07 Nov 11 10:32:35 +0600

Сайтымыздың белді мүшесі Нұрлан Досмағұловты туған күнімен құттықтаймыз!

Нұрлан, саған ұзақ ғұмыр, деніңе саулық, отбасыңа құт-береке тілейміз! Жұмысыңа табыс, елімізде өзің сияқты жаны жайсаң, жүрегі жылы, лирик дәрігерлер көп болсын. Әрқашанда ортамыздың қадірлі тұлғасы болып, оқырмандарды әзіл пікірлеріңмен қуантып, салиқалы жазбаларыңмен ой салып, әсем өлеңдермен жадыратып жүре бер.

Барлық бастамаларыңа ақ жол тілейміз, аман бол!

"Сарыағашта" демалып қайттым

Anarka Must — Mon, 31 Oct 11 13:30:12 +0600

Кішкентай кезімізде Алтынбек Қоразбаевтың «Әкең кетті курортқа, шешең кетті курортқа...» деп айтатын әнін жиі естуші едік. Ол кезде курорт сөзінің мән-мағынасын түсіне бермейсің, әйтеуір әке-шешесі баласын тастап, демалып кетіп қалған, жаман адамдар деп ойлайтынмын. Енді, міне, өзім де курортқа баратын жасқа жетіппін :))

Құрбымның «Сарыағашқа барайық» деген ұсынысын құп көріп, жұмыстан демалыс алып, Оңтүстікке тайып тұрдық. Алматыдан Сарыағашқа дейін автобус күнде жүреді екен. Бағасы 2000-3000 тг аралығында. Сонымен қатар поезбен де жетуге болады. Бірақ ол Шымкенттен тоқтап, ары қарай Сарыағашқа таксилетіп бару керек. Онда да шипажайлар Сарыағаш бекетінің өзінде емес, Көк терек ауылында орналасқан.

Сол Көктерек ауылында «Сарыағаш» шипажайынан басқа көптеген шипажайлар бар екен. Көрсетілетін қызметтері мен жатын орындарына байланысты шипажайлардың бағалары әртүрлі. Кеңес Одағынан бері келе жатқан «Сарыағаш», «Арман» сияқты шипажайларда бір күнге 4500 теңгеден жоғары.

Біз жаңадан салынған «Ақ жайық» шипажайына демалуды ұйғардық. 3 адамдық орынға әр адамнан күніне 8000 тг-ден. (Кетерде жарнамам үшін ақша алып қайту керек еді ))) 4 уақыт тамағы бар және процедураларды да ешқайда шықпай, іштен ала бересің.

«Ақ Жайық» шипажайы

Процедура дегенге Сарыағаш суымен асқазанды екі рет шаю, өтті шаю, ішек, тоқ-ішек шаю кіреді. Және де физиоемделулер: парафинді аппликациямен қыздыру, тоқпен қыздыру, ингаляция және т.б. Алайда ішкі органдарда не болып жатқанын білетін УЗИ-лердің барлығы ақылы. Жалпы алғанда шипажайдың қызметіне көңілім толды. Бір жаманы, Қазақстан телеарналары көрсетпейді екен. Ресей каналдарын көруге тура келді (ресейлік телеарналардағы бағдарламаларды ұнатпаймын).

Кешкі асты күтудеміз

Іш-құрылыс аурулары үлкен кісілерде көптеп кездесетіндіктен бұл жерлерде де үлкен кісілер көп болды. Олармен бірге тойда жүргендей дискотекада билеп қайттық :))

Президентіміздің демалатын жері. Біз барған уақытта ол кісі сол жерде демалып жатқан еді. Суретті түсірген кезде қайтып кеткен.

«Loud» шипажайы. Ұзынқұлақтарға сенсек, күніне адам басына 32000 тг екен.

Сенбі-жексенбі күндері Иса ата ыстық әулие бабаның бейітіне, Қазығұрт басына, Ташкент, Самарқандқа экскурсиялар жасалынады. Соңғыларына паспорт міндетті түрде қажет. Сол себепті ол жаққа бара алмадық. Алайда Ташкентке барып келген көршілеріміз екі сағат кеденде тұрғандарын айтып, басынан-аяғына дейін тексерістен өтесің, әрі Ташкентте аралайтын жер де онша жоқ деп, барғандарына өкінгендерін айтты. Барса сол Самарқандтқа бару керек-ау деймін.

Біз Иса ата ыстық әулие бабаныңбасына бардық. Ол кісі ерте кезде осы ыстық судың емдік қасиетін анықтап, ел емдеген екен. Атаның басында қуыс тас бар. Сол жерде өткен адамның арманы орындалады дейді. Үш рет өтіп, ниеттерімізді қабыл етуін сұрадық. Былайынша кішкентай қуыс тесік. Бір қарағанда өте алмайтын сияқтысың, алайда ірі денелілердің де өткенін айтады. Сонымен қатар дене салмағына қарамай өтпей қалатындары да болады дейді жұрт.

Иса ата ыстық әулие басындағы қуыс. Осы жерден өтсең армандарың орындалады-мыс.

Курортта 10 күн жату біз үшін тым ұзақ көрінді. Бір апта жетеді ме деп қалдық. 7 күннен кейін қалған 3 күнімізді әрең өткіздік қой. Сөйтіп, Шымкенттен шығатын поездға билет алып, үйге қарай тарттық. Жолда Шымкенттің кішкене жерін аралауға жол түсті.

Шымкенттің осы жылы салынған паркінде болдық. Дәл темір жол вокзалына жақын жерде екен. Парк өте үлкен, әдемі. Тағы бір монумент орнатылыпты. Адам да көп, әсіресе оңтүстіктің жігіттері қыздардан көп сияқты көрінді.

Мына монументтің не мағына беретін суретті ертең жариялармын.

Ал менің артымда тұрған монумент ненің құрметіне орнатылғанын білмедім, шымкенттіктер айтып жіберер. Осымен Оңтүстікке сапарым аяқталды. Аяғына дейін оқып шықсаңыз, рахмет! :)

Сағындым Алматымды...

Anarka Must — Thu, 27 Oct 11 15:35:52 +0600

Таңертең поездан түсе сала таксилетіп, үйіме қарай беттедім. Айналама көз жүгіртіп, біраз күн бұрын ғана «Сағындым Алматымды» деп жырлаған қалама да жеттім деп бір «уфф» дедім. Ең бірінші Алатау мен шыңында жатқан ақ қар көзіме оттай басылды. Таңғы уақытта Алатау қандай керемет! Тауды бар құшағыма алып сүйіп-сүйіп алғым келді.

Офисқа қарай аяңдадым, самал жел еседі. Күздің айғағы — сап-сары жапырақтар сусылдап түсіп жатыр. Ұлпа қардай түскен жапырақтардың астында өзімді таңғажайып бақтың арасында жүргендей сезіндім. Айналамда, сары, қызыл, жасыл жапырақтарға оранған алпауыт ағаштар… Неткен романтика… Алтын десе алтын күз.

Мен Алматыны жақсы көреді екенмін.

Берекесі қашқан kk.wordpress.com

Anarka Must — Fri, 14 Oct 11 13:04:25 +0600

Қазақ блогосферасы wordpress блогтұғырында кең етек жайғаны бәрімізге аян. Қазақша блогтарды топтастыру мақсатында арнайы kk.wordpress.com жүйесі де қалыптасқан еді. Алайда соңғы кездері бұл блогтұғырдың бір ашылып, бір жабылып берекесі қашқан сияқты.

Осы жазда діни-экстремизмге байланысты ашылған бір блогтардың кесірінен мемлекет тарапынан бүткіл kk.wordpress.com жүйесі жабылған еді. Кейін тек сол қауіпті блогтарды ғана жауып, қалған қазақ блогтары қайта қалпына келген сияқты болған.

Ал қазір Мегалайн пайдаланушыларына kk.wordpress.com жүйесі мүлде ашылмай, қазақша блогтар бір ашылып, бір ашылмай әбден мезі етті.

Проблема wordpress.com блогтұғырының өзінен бе, әлде провайдерден бе, белгісіз. Алайда көптеген қазақ азаматтары блогтардағы ақпараттарды пайдалана алмай дал болуда. Блог жүргізушілер болса өз блогтарын басқара алмай ыңғайсыздануда.

2007 жылдан бері қазақ тілінде 500-ден аса блог тіркелген. Оларға салынған мәліметтер санын санай беріңіздер...

Қоғамдық көлікке табличка ұсынамын!

Anarka Must — Wed, 12 Oct 11 17:33:47 +0600

Қоғамдық көлікте күнде жүретіндіктен адамдар арасындағы мәдениетсіздікке көп тап боласың. Мысалы, телефонмен ұзақ сөйлесу, айқайлап сөйлесу, бір-бірімен ұрсысу және т.б. Сол себепті әрбір қоғамдық көлікке әдептілікке, мәдениеттілікке шақыратын табличка жасауды ұсынамын. Кім біледі, бір күні әкімшілік менің блогымды оқып, кеңесіме құлақ асып қалар. Сонымен, табличкада мынадай әдепке шақыратын сөздерді болса:

1. Қоғамдық көлікке кірген соң, орны бос жерге барып отырыңыз. Көшеде, жерде тұрған сөмке, дорбаларыңызды бос орынға қоймаңыз. Өзіңізден кейін кіріп, отыратын адамды да ойлаңыз.

2. Егер бос орын болмаса, бір адам тұратын жерге икемделіп тұрыңыз. Час Пик кезінде адамдар көлікте тығындалып қалады, сол себепті бір қадамға ары жылжып, басқалардың да кіруіне мүмкіндік жасаңыз. Сіз ғана жұмысқа, не оқуға асығып тұрған жоқсыз.

3. Жасы үлкен, аяғы ауыр әйелдерге, балалы адамдарға орын беріңіз.

4. Қоғамды көлікте ұялы телефоныңызға біреу хабарласса, елдің бәрін өзіңізге қаратпай, айқайламай жауап беруге тырысыңыз. Және қоңырау шалушыға шұғыл дүние болмаса кейін хабарласуын сұраңыз.

5. Ұялы телефон этикеті бойынша ұялы телефонмен 3 минуттан артық сөйлесуге болмайды. Сол себепті әңгімені ұзақ созбай, елдің мазасын алмай, қоңырау шалушыға «Кейінірек хабарласуын» сұраңыз.

6. Егер көлікте адам көп болып, шығуға ыңғайлансаңыз, барынша аяқ астыңызға қарап, абайлап басыңыз. Қоғамдық көліктен шыққандағы кір-кір аяқ киім – кімге де болса жағымды көрініс емес.

6. Қоғамдық көлікке кіргенде өз құжаттарыңызға, сөмкеңізге абай болыңыз. Барынша ұялы телефон, әмияндарыңызды қалтаңызға салмауға тырсыңыз.

7. Қоғамдық көлікте жүйке сыр беретін уақыттар аз болмайды. Көршіңіздің өтінішіне құлақ асып, орындауға тырсыңыз. Әр дөрекілік әркез адамның өзіне қайтып келетінін ұмытпаңыз. Бүгін сіз күле қарасаңыз, ертең сізге күле қарайды.

Бір-бірімізді сыйлайық! )

Қалай? ))))) Тағы сіздер не қосар едіңіздер?

Туған күніңмен, Айжанка!!! Дубль-2.

Anarka Must — Wed, 12 Oct 11 09:28:13 +0600

Әрбір сәтте бір әңгіме қозғап, романтикаға толы жанынан шыққан мұңын, сезімін, ойларын бізге жеткізіп, ортамыздың гүлі болып жүрген еліктей ерке қыз Айжан бүгін бір жасқа жасарып отыр!

Айжанды өте сезімтал, нәзік, сонымен қатар қазақ қызына тән қайсарлығы да бар өжет қыз деп білемін.

Айжан, денсаулығың мықты болып, ата-анаңның сенімін ақтап (жалғыз қыз болғандықтан оларды көп ойлайсың, білем), ойыңды мазалайтын түрлі сұрақтар жауабын тауып, гармонияда өмір сүруіңе тілектеспін!

Әркез армандаудан жалықпа, сол армандар сені өз шыңыңа көтеріп, махаббатқа кенелтсін! Туған күніңмен!!!

Туған күніңмен, Айжанка!!!

Anarka Must — Mon, 10 Oct 11 10:37:40 +0600

Ең алғаш, адам блогқа келгенде неден бастауды, нені жазуды дұрыс түсінбей, көбіне газеттен алған кейбір мәліметтерді, не болмаса өзі жастайында жазған өлеңдерін жазып-жазып қояды да осы блог жазу деп ұғады. Бірақ мұндай жазбалар танымал бола бермейді, өйткені қоғам ресмиліктен, газеттен оқығысы келмейтін жазбаларды осы блогтардан іздеуге келеді.

Ең алғаш Айжаннұр деген атпен блог ашып, бірден креативті тақырыптармен, ойлармен бөлісе бастаған қолданушы, көп оқырманды өзіне баурап алды. Ешкімді танымаса да, блогқа жаңадан келсе де тақырыптары қызық, көтерген мәселелері тың болатын. Бертін келе, ол Айжан атты қазағымызды ару қызы екенін біле бастадық. Бұл осыдан 2 жыл бұрын болды-ау шамасы.

Сол кереметтей қыздың бүгін туған күні. Біздің он.кз ауылында көп көріне бермесе де, оны жалпы Қазақ интернетіне үлкен үлес қосып жүргендер қатарында деп толық айта аламын. Маған да көптеген аудармаларыма қол ұшын беріп, көмектесіп жүреді. Досқа адал, дұшпанға қарсы тұрардай қайсарлы, қызға тән нәзіктігі мен көркі бар Айжанды бүгінгі туған күнімен шын жүректен құттықтаймын!

Өмірің өзің сүйетін кемпірқосақтай әдемі, түрлі-түсті қызықтарға толы болсын. Бар армандарың мен тілектерің орындалсын. Ең бастысы денің сау болсын. Жақын арада үлкен шаңырақтың ардақты келіні, сүйіп қосылған серігіңнің аяулы жары, көп балалы ана болуға жазсын деп тілеймін! Бақытты бол, Айжанка! )

Молитва Франсуа Вийона

Anarka Must — Thu, 06 Oct 11 19:08:39 +0600

Булат Окуджава

Молитва Франсуа Вийона

Пока Земля ещё вертится,
           пока ещё ярок свет,
Господи, дай же ты каждому,
           чего у него нет:
мудрому дай голову,
           трусливому дай коня,
дай счастливому денег...
           И не забудь про меня.

Пока Земля ещё вертится,
           Господи, — твоя власть! -
дай рвущемуся к власти
           навластвоваться всласть,
дай передышку щедрому
           хоть до исхода дня.
Каину дай раскаянье...
           И не забудь про меня.

Я знаю: ты всё умеешь,
           я верую в мудрость твою,
как верит солдат убитый,
           что он проживает в раю,
как верит каждое ухо
           тихим речам твоим,
как веруем и мы сами,
           не ведая, что творим!

Господи, мой Боже,
         зеленоглазый мой!
Пока Земля ещё вертится,
           и это ей странно самой,
пока ей ещё хватает
           времени и огня.
дай же ты всем понемногу...
           И не забудь про меня.

Пы.Сы. Бағана жаңа сайтқа материалдар іздеп отырып, осы керемет өлеңге тап болдық. Өзіме қатты ұнады. Тамара Гверцителидің орындауында әнін де тыңдап көріңіздер.

Эстафета. Бабайка.

Anarka Must — Wed, 05 Oct 11 18:23:37 +0600

Жалпы алғанда, қорқыныш эмоциясы жақсы ойларды қиратушы эмоциялар қатарына кіреді. Ал ойлар орындалатынын ескерсек, бұл қорқыныш емес, тек менің бақытты өмір сүруге кедергілер деп ойлау керек. Сол себепті де "қорқамын" сөзін қолданғым келмеді. )

Қазір ойланып отырып, өзімнің қорқыныштарымды еске ала бастағанда, ең басты ата-анам, туған-бауырларым есіме түсті. Олардан айрылып қалудан. Әрқайсының дендері сау, аман-есен көз алдымда ойнап-күліп жүре берсе екен деп тілеймін. Қазіргі кездері әке-шешемнің өмірімдегі үлкен маңыздылығын түсініп жүрмін, бәлкім өзімнің де есейіп, ана болатындай кезеңге келгенімнен бе екен...

Соған байланысты аяулы жар, ардақты ана болар күнім тумай қала ма деп. Бұл елден қалмау, не ел-жұрт сияқты өмір сүру принципінен бұрын, табиғи инстинкт шығар, бала сүю, ана болу, таңдап алған жолдасыңа қызмет ету.

Түсінігі аз, қараңғы, таяз адамдармен байланысудан.

Жанымды ашып, сыр бөліскен адамым сатып кете ма деп.

Ұзақ жолға автокөлікпен шығуға. Трассада болатын түрлі көлік апаттары жайлы естіп, жаным шыға жаздайды.

Үміт артып отырған адамым мен ойлағандай болмай шықса не болады деп.

Керісінше маған артылған үміттерді ақтай алмай қаламын ба деп.

Мен жайлы әділетсіз пікір, не дұрыс емес көзқарас туа ма деп.

Слабонервный болғаным ба, әлде тым сезімталмын, бірақ табиғи емес, инородный нәрселерді көрсем жүрегім айниды. Әсіресе кейбір ужастик фильмдерде адамның бетін бұжыр-бірдеңке етіп тастағанда, бір әйел «көзін ашқанда карта болады» дегенді естіп, бір күн жүрегім айнып, жаман болған едім. Сосын интернетте сондай жарнамалар көп, кейбір сайттарды байқап ашамын сол үшін.

Жалпы жәндік атаулының бәрінен. Әсіресе қырықаяқ деген сияқтылардан.

Ар-намысым тапталып, масқара болудан. Бірақ өз-өзіне тұра алатындар қатарынанмын деп есептеймін өзімді. Физикалық тұрғыда болмаса да, моральдық тұрғыда. Құдай бетін әрі қылсын, әрине.

Эстафета жалғасын Эльвираға беремін.

VII Халықаралық "Еуразия" кинофестиваль, қызыл кілем, жұлдыздар...

Anarka Must — Tue, 20 Sep 11 12:00:24 +0600

… Джон Кьюсак,
Андрей Кончаловский,
«Возвращение в „А“,
ұйқы келу, қарын ашу, үйге қайту....

Елімізде, осымен жетінші рет Еуразия кинофестивалі өтіп жатыр. Әлемдік киноиндустрия саласының майталмандары мен үздік туындыларды бағалайтын кинокритиктер қазір Алматы шаһарында бас қосуда. Кеше осы фестивальдың ашылу салтанаты болып өтті. Мен үшін осы жолғы фестивальдің маңызды бір тұстарының бірі болып, өзім сүйіп көретін «Интуиция» фильмінде басты рөлде ойнайтын Джон Кьюсактың келуі болды. Әлбетте онымен жеке сұхбаттасып, суретке түсе алғаным жоқ, алайда сырттан көргеннің өзіне бір ләззат алдым. Онымен ілесе Роман Полнаски сияқты атақты режиссерларда түскен Настасья Кински және «Маска» фильмінің режиссері Чак Рассел де келіпті.

Оңтүстік Корей кинорежиссері Ким Ки Дук, Голливуд режиссері Чак Рассел,
Настасья Кински және...

Джон Кьюсааааак!!!

«Весна, лето, осень, зима и снова весна» деген арт-хаус туындының режиссері, оңтүстік корейлік Ким Ки Дуктың келуі де бір мәртебе. Әлбетте, ол кісі тек осы фильмді ғана түсіріп қойған жоқ, оның бірнеше осындай ми жарарлық туындылары бар. Мен тек осы фильмді ғана көріп, біртүрлі әсерде болып едім. Тек түсінгенім, мен арт-хаус көруге әлі дайын емес екенім.

Сонымен қатар, ресей телехикаяларының жұлдыздары Вадим Колганов, Елена Корикова және т.б. жарық тұлғалар қызыл кілеммен жүріп өтті.

„Бедная Настя“ және „Татьянин день“ телехикаяларының жұлдыздары

Фестивальға осы жолы 15-ке тарта әлемдік фильмдер қатысады, оларды Фипреси (Алексей Першенко, Андрей Шемякин) және Нетпак (Асиф Рустамов, Вималь Диссаянаке, Леха Шанкар) қазылар алқасы және Ким Ки-Дук, Владимир Хотиненко, Жиль Маршан, Рүстем Әбдірашев сынды өнер майталмандары бағалайды.

«Қазақфильм» VII Халықаралық Еуразия кинофестиваль аясында «Қазақстан киножобалар нарығы» атты бизнес-жоба ұйымдастырып отыр. Бұл халықаралық кино өнімдерін дамытуға бағытталған. Бүткіл Қазақстан бойынша іріктеу турының нәтижесінде 8 жоба іріктеп алынды, олардың көбісі дебюттер. Халықаралық сараптамалық кеңес үздік фильм және сценарийді таңдап, кейін Еуропада серіктес тауып, көрсетілуіне ықпал жасайды.

„Вы наверное не знаете, что у меня мама казашка, нет, наверное, знаете“ — Андрей Кончаловский-Михалков — Еуразия фестивалінің басты жұлдызы, „Возвращение в “А» фильмінің режиссері

Кешегі кештің соңына таман Қазақстан мен Ресей біріге түсірген, сонымен қатар осы фестивальда бағын сынып отырған Андрей Кончаловскийдің «Возварщение в «А» фильмі көрсетілді.

Бұл фильм туралы басқа бір жолы жаза жатармын.

Суреттер үшін Тимур Батыршин досыма рахмет! )

"Алау" дуэті: "Орысша ән айтуға мәжбүр болдық"

Anarka Must — Thu, 15 Sep 11 15:52:18 +0600

Жазып өткенімдей, «Алау» дуэтінен сұхбат алдым. Өздеріңізге белгілі, осы жылы «Новая волна» фестивалінде Қазақстан атынан осы дуэт өнер көрсеткен еді. Алайда жақсы нәтижелермен бізді қуанта алмады. Қыздардың айтуынша, сол конкурсқа қатысардан бұрын, жарты жылдай костюм, репертуар, постановка, бәрін тап-тұйнақтай етіп дайындап барған, бірақ байқаудың басты продюсері Александр Ревзин бұлардың жоспарларының күл-талқанын шығарыпты. Өз елінің хиті ретінде тағайындап барған қазақ әнін жақтыртпай, «бұны ешкім тыңдамайды, керек емес, сендер Кеңес Одағының құрамында болғансыңдар, яғни орыс әндері де сендердің хит-әндеріңе жатады» деп Анжелика Варумның әнін айтқызып қойыпты. Қарсылық білдіруге талпынған кезде, біраз сөз естідік дейді. Сонымен қатар, алып барған көйлектерін де жарамсыз етіп, дуэт продюсері сол жерден көйлектер сатып алуға мәжбүр болған екен. Бірақ байқау өткен үш күнде де жұрттың көзіне біз дайындалмай барғандай, басқа қырымыздан танылып қалдық дейді топ мүшесі Лаура.

«Алау» дуэті ең алғаш 2005 жылы маусым айында құрылған екен. Осыған дейін екі әнші бір студияда ән айтып жүрген, кейін Алматыда өткен «Бозторғай» әншілер байқауына қатысып, сол кезде дуэт құруды жөн көреді. Топ мүшелері Ақтоты Әжіғұлова Ақтау қаласында 11-сынып оқушысы, ал Лаура Әртелбек колледждің 3-ші курс студенті екен. «Алау» тобын құрғаннан бері жер-жерді аралап, түрлі байқаулар мен фестивальдерге қатысқан. Барлық жерден бірінші жүлдесіз қайтпапты. Көптеген шет елдерде Қазақстанның атын асқақтатып, биік өнер көрсеткендерін айтады.

Алайда көпке осы «Новая Волна» фестиваліне қатысқаннан бері таныс. Топ мүшесі Лаура байқаудың бірінші күнінен кейін, елдер не деп жатқанын білу үшін ғаламторға кірдім дейді. «Дені дұрыс» пікір оқи алмаған соң, көңілі босап, жылап алыпты. Өйткені, өз отандастары оларды жақтаудың орнына жер-жеберіне дейін сынап жатқанын оқу оған қатты әсер етіпті. (Осы кезде жалпы бер жақта отырып кейбір сындарды қаншалықты біреуге ауыр тиетінін ойлап, біртүрлі болдым). Бірақ бар кінә қыздарда емес, ұйымдастырушыларда екенін, қара халық, біз қайдан білейік. Байқауға қатысуға барғанда, минимум оныншы орыннан көрінерміз деп барған қыздар, соңынан санағанда екінші боламыз деп еш ойламапты.

Ары қарай әңгіме «Новая Волна» байқауының Музасы саналатын Алла Пугачева жайлы өрбіді. Өздеріңіз құлағдар болғандай, жақында болып өткен «Крым мюзик фест» байқауын осы Алла Пугачева ұйымдастырған еді. Және «Новая Волнаға» аналог ретінде шығарды. Бұл нені білдіреді деген мақсатта сұрақ қойғанымда, «Новая Волна» байқауы болып жатқанда Алла Пугачева фестиваль ашады деген ешқандай сөз болған жоқ» — деп жауап берді қыздар. «Алла Пугачева байқауда белсенді болмады, әрі көңіл-күйсіз жүрді» — деді. Соған қарағанда, бұл кісі де продюссерлермен ортақ мәмілеге келе алмай қалғанға ұқсайды. Айтпақшы, «Новая Волна» байқауына қатысуға өтініш білдіріп, ұйымдастырушылар тарапынан жәбір көрген «Ринго» тобы «Крым мюзик фестте» бақтары жанып, орыс примадоннасының көзайымына айналды.

Болашақта өнер ордасы Алматыға келесіңдер ме деген сұраққа, қыздар белгісіздік танытты. Өйткені әзірге дайын тұрған келісімшарт жоқ, сондықтан нақты айта алмаймыз, бірақ жоғары оқу орнына түсу үшін келуіміз әбден мүмкін деді. Яғни, Жарқын аға айтпақшы жас әнші-топтардың бар проблемасы продюсер мен демеушіге байланысты ғой. Сөйтіп, қыздарға сәттілік тілеп, сұхбатымызды тәмамдадық. Байқауда әділетсіздікке ұшырағандарын әлі де көрермендерге дәлелдеп, биіктен көрінер деген үміттемін.

Пы.Сы. Соңына дейін оқып шықсаңыз сізге де үлкеееееен рахмет! Сурет үшін Айжан Түгелбаеваға тағы да алғыс.

Екі жұлдыз. Дүлдүлдер додасы

Anarka Must — Thu, 15 Sep 11 12:04:31 +0600

Кеше, кешкісін біраз уақыттан бері көрерменнің көзайымына айналған «Екі жұлдыз» жобасының төртінші маусымының басталуына орай ұйымдастырылған презентациясына қонақ болып бардық. Негізінде, бастапқыда 18:00-де басталады деген шара, кейін 19:00-ге ысырылып, одан барған соң 20:30-ға таман әрең басталды. Бұл жиынға осы уақытқа дейін «Екі жұлдыз» жобасымен қалай да байланысы бар өнер саңлақтарының біразының басы қосылыпты. Кейін ең басты ұйымдастырушы топ — «Адам продакшнның» бас продюсері Динара Адам «Жан-жақтарыңызға қараңыздаршы, оңға-солға, кімді көресіздер? Бәрі де осы «Екі жұлдызға» қатысы бар адамдар. Мен осы адамдарға үлкен алғысымды білдіремін. Өйткені, әрқайсымыз бір ерлік жасадық» — дегендей-ақ, осы уақытқа дейін көріп келген «Екі жұлдыздың» үш маусымында да жұлдыздар арасындағы небір кикілжіңдерді естіп жаттық, кейбіріне куә болдық. Жалпы адам мен адамның, оның ішінде өнер адамдарының бір-бірімен жұмыс істеуі қиыншылық тудырары сөзсіз ғой. Міне, қаншама қиындықтарды бастан кешіріп, «Екі жұлдыз» жұмысын тоқтатпай, тағы бір маусым көрермендерді көзайым етпек.

«Қазақстан» ТРК компаниясының шығармашылық топ продюсері Қайнар Олжай «Екі жұлдыз» жобасы Қазақстан телевизиясында жаңа леп, жаңа түсіру техникасын, жаңаша монтаждау үлгілерін әкелді» — деп сөз сөйледі. «XXI ғасырдың бірінші он жылдығы «Екі жұлдыз» жобасымен басталды және жалғаса бермек. Әр аптаның сенбісінде қазақ қауымы жырмен тербеліп түн батырды, әнмен таңды атырды» — деп ұйымдастырушыларда жалындатты. Бұл маусымның басқа маусымдардан ерекшелігі жұптар тек кәсіби әншілерден құралатын болады. Яғни, екі әншіден құралған жұп қарсыластарынан артықтығын көрермендерге дәлелдей білулері керек. Енді сайыс пен қызу бәсекелестік одан сайын қыза түспек деген ойдамын.

Жұптар тек кәсіби әншілерден тұратындықтан продюсерлер «Звездные войны» фильміне сәйкес әлқиссалар жасауды ұйғарыпты. Кеште небір басқа планеталық болып киініп алған ұйымдастырушыларды, жүргізушілерді байқадық, яғни барынша образға сәйкестенуге тырсыпты. Сонымен қатар, елге ұсынылатын трейлер-аңдатпа да осы стильді ұстанып, түсірілген.

Бұл трейлерде жобаға қатысатын бірнеше әншілерді байғауға болады. Оның ішінде Бейбіт Қорған, Айқын Төлепберген, Ақылбек Жеменей, Жанна Орынбасарова, Жеңіс Ысқақова, Айжан Нұрмағанбетова, «Азия» тобының әншісі Ербол Шәріп пен «Алау» дуэті. (Айтпақшы, «Алау»тобынан эксклюзивті сұхбат алдым. Ол кейінірек).

Жаңа маусымда тағы бір өзгеріс болады. Өткен маусымдарда қазылар алқасы бір рет көтерген бағасын екіншіге қоюға болмайды деген ереже бұл жолы алынып тасталды және әр жұп бағдарламаның соңына дейін бағаларды күтіп, уайымдап отырмайды, өнер көрсеткен соң бірден біледі. Ал көрермендер бұрынғыдай барлық дауыстың 50 пайызына ие. Апта сайын ең аз ұпай жинаған жұппен қоштасып отырады.

Ал дүбірлі дода кештерінің жүргізушілері болып: Нұрлан Абдуллин, Нұрлан Әлімжанов және тележүргізушілер Майя Веронская мен Таһир Сұлтан тағайындалыпты. (Соңғы жүргізуші туралы мәліметім аз).

Кешке қайтып оралсақ, кешті әзілмен көмкерген, пародиямен күлдірткен «Өнер қырандары» КВН командасы болды. «Каспий» тобына, «Азия» тобына және Қыдыралі-Қарақатқа пародия жасап, елді қарық қылды. Сонымен қатар, жобаға қатысқан бірнеше әншілер өз өнерлерін көрсетті. Жұлдыздар бір-бірлерімен шүйіркелесіп, дидарласып, кеш өз жалғасын тауып жатты. Ал біз ақырын үйімізге жылжып, кете бардық. (Алматының бір шетінен, екінші шетіне қайту керек болды. )) )

Сонымен, 24-қыркүйектен бастап, әр сенбінің кешінде диванға жайғасып, экранға телміріп, Қазақстан өнер майталмандарының дүбірлі додасын тамашалайтын боламыз. Бұл жолы, енді даусы жоқ деп жүйке жүйеміз құрымайды деп үміттенеміз.

Ал енді кештен суреттер:

Қыдырәлі Болманов «Басқа планеталықтармен»

"Қазақстан" ТРК шығармашылық продюсері Қайнар Олжай

Әнші Лидоның екінші баласына аяғы ауыр екені байқалды

"Қазақтың 100 әні" теле-думанында өнер көрсеткен «Wake up» тобы «Екі жұлдыздың» осы маусымында жұлдыздарды қолдап, өнер көрсететін болады.

"Өнер қырандары" КВН командасы «Азия» тобына пародия жасауда. (Шыны керек, жақсы шықты)

Үшінші маусым жеңімпаздары — Қазбек Қасым мен Ақбота Керімбекова

Нұрлан Абдуллин "Өзіңіз неге қатыспайсыз?" деген сұраққа: «Біз енді қалыптасқан әншілерміз ғой. Жастарға мүмкіндік берейік» — деп жауап берді.

Ерболат Құдайберген жұбайының жанынан бір сәтке алыстаған жоқ. Бірақ соңына таман Айнара екеуміз қояр да қоймай шақырып алып, суретке түсіп алдық.

Суреттер үшін Айжан Түгелбаеваға үлкен алғыс!

Жек көрмеу, кешіру

Anarka Must — Wed, 14 Sep 11 10:32:02 +0600

Бір күні кәрі және жас екі монах шіркеуге қайтып келе жатқанда қатты жауын жауып кетеді. Жолдың бәрін су басып, жүру қиындайды. Бір қараса жиналып қалған судан әдемі бір қыз өте алмай тұр екен. Кәрі монах қызды көтеріп алып, судан өткізіп жібереді. Жолаушылар ары қарай жүре береді. Бір уақытта жас монах кәрі монахтан сұрайды:

— Түсінбедім, айтыңызшы, бізге қызды ұстаудан бұрын, оларды ойлау да күнә ғой! Ал сіз болсаңыз, оны көтеріп, судан өткіздіңіз.

— Балам, мен ол қызды сол жерде тастап кеттім. Ал сен болсаң, жол бойы әкеле жатырсың. – деген екен.

Осы мысалға қарап, кейде бізді ренжіткен, өкпелеткен адамды өмір бойы өз жадымызда сақтап, оған жеккөрінішті сезімді жолдап, ұмыта алмай жүреміз. Ал бұл ойлар біздің өмірімізге қандай кері әсерін тигізіп жатқандығын ойламаймыз. Кез-келген ашу, ыза, қорқу, өкпе эмоция арқылы келеді, ал эмоция шығарып, біз өз ағзамызға кері әсерін тигіземіз. Бұл қан қысымын көтеруге, жүйке жүйесіне ауру әкеледі. Өзіңіз ойлаңызшы, жек көріп жатқан адамның ештеңесі де кетпейді. Әр адам өз ісіне жауапты. Сондықтан, барынша өткен нәрсені сол жерде қалдырып, жаңа күннен тек жақсылық күтейік, үміттенейік, армандайық. Бәрі жақсы болады! ))

Азия қызықтары

Anarka Must — Tue, 13 Sep 11 17:31:17 +0600

Ең көп суицид жасайтын елдердің қатарына Шығыс Азия елдері бірінші кіреді. Оның ішінде Жапония көш бастап тұр. Әлбетте, жер аз, ал халық саны көп, әр салада бәсекелестік, әрі жоғары деңгейде. Токио сияқты үлкен магаполисте жоғалып кетуден бұрын, рухани тұрғыда жоғалу әбден мүмкін. Осындай опасыз өмірден шаршаған кейбір адамдар метроның астына түсіп, өлуді жөн санайды екен. Бірақ кейін өзін-өзі өлтірген адамның отбасына үлкен сомада айыппұл салынатын көрінеді. Өйткені бір адамның кесірінен бір линия қозғалысы тоқтайды, ал бұл транспорт компаниясына шығын әкеледі, ал адамдардың уақытын алады, түптеп келгенде елдің экономикалық жағдайына да әсерін тигізеді. Бастапқы кезде адамдар олардың линиясында болған өлімді естіп, қатты қорқатын болса, қазір ашуланатын көрінеді. Өйткені, метро жұмысын тоқтатады, ал адамдардың жарты күн уақыты бос кетеді. Ал жарты күн Токио үшін жарты өмірге тең.

1960 жылдары Оңтүстік Кореяда бірде-бір көпқабатты тұрғын үй болмаған, тіпті астанасы Сеул қаласында пәтерлердің кейбірінде ғана су болған екен. Корея астанасында көп қабатты алғашқы тұрғын үйлер 1963 жылы ғана салыныпты. Онда да қызық. Әуелде он қабаттық он бір үйден тұратын, барлығы 1158 пәтерлік шағын аудан салу жоспарланады. Жұрт бәрі қарсы шығады “Жарық беруге электр қуаты жетпей жатқанда лифтілі үй салу деген не сұмдық!” деп газеттер жамырай жазады. Ақыры үйдің қабаттары азайтылып, әлгі шағын аудан тек алты қабатты (әрине, лифтісіз) үйлерден тұрғызылады. Сонда да құрылысы толық біткеннен кейін әлгі үйлерге ешкім кірмей қояды. Пәтерлердің он-он бес пайызы ғана сатылады, онда да тек бірінші қабаттағылары ғана… Ешкім тым құрығанда екінші қабатта да ешқашан тұрып көрмеген ғой. Сөйтсе көмірмен жағылатын қазандықтардан адамды өлтіріп жіберетін газ тарайды екен, газ тараған бетте бірінші қабатта тұратындардан басқалар далаға шығып үлгере алмайды екен деген қауесет жайылып кетіпті. Үй салған компания басшылығы жұртты тыныштандыру үшін бес суыр сатып алыпты да, газ тарайды деп үрейленіп, өз үйлеріне өздері жоламай жүргендердің пәтерлеріне әлгі суырларды түнетіп шығарыпты. Тұрғындар сонда да қорыққанын қоймайды, суыр, қанша айтқанмен, адам емес қой деп. Амалы таусылған компания басшылығы бір қызметкерін сылқита ішкізеді де, жаңағы үйлердің біріне қамап, сыртынан жауып кетеді. Таңертең бәрі жиналып, жүгіріп барса, әлгі кісі – тірі… Содан кейін ғана алдымен екінші қабаттың, біраздан соң үшінші қабаттың пәтерлері сатыла бастайды. Сөйткен Сеулде қазір көк тіреген зәулім үйлер самсап тұр. “Тэхан сэнмен” сақтандыру компаниясы ғимаратының ұшар басына қарасаңыз басыңыздағы қалпағыңыз түседі.

Түпнұсқа мына жерде және мына жерде.