ON.KZ. Блог пользователя SADKO FM

Айтабер! - танымдық блогтұғырына қош келіпсіз!

SADKO FM — Fri, 27 Jan 12 07:03:19 +0600

Амансыздар ма?! Говорит Малайзия! Бүгін ақ түйенің қарны ақтарылған күн болмаса да, Қазақ интернетіндегі жаңа бір сайт өзінің тұсауын кесіп отыр! Осы жылға қазақ тілді сайттардың көбейетінін арамыздағы интернет мамандары айтып өтіп еді. Сол толқын басталып кеткен сияқты. Ал ендеше «Айтабер!» танымдық блогтұғырын қарсы алыңыздар!

Аты айтып тұрғандай, сайт пайдалы да құнды ақпараттармен бөлісудің ортасы болмақ. Яғни, өзіңізде бар құнды ақпараттармен бөлісіп, интернет қауымымен пікір алмаса аласыздар!

Сайттың басты мақсаты қазақ тіліндегі сапалы контенттер жинап, жас және тәжірибелі қолданушыларды бір пікіралмасу ортасына жинау. Сайттан өздеріңізге пайдалы нәрсе тауып жататын болсаңыздар, біздің қуанышымыз сол болмақ! Қош келіпсіздер! Сіздер үшін сайтымыздың URL-ы әрқашан ашық:)

www.aitaber.kz

Ендеше,құнды да қызықты ақпаратың немесе ойың болса, Айта бер!

Кету оңай екен ғой, иә, Ақзере?:)

SADKO FM — Sun, 11 Dec 11 22:52:02 +0600

Ееее, достар! Сағынып қалдым, сағынып… Өткенде ашумен қағынып бұл жерден кетіп едім. Мұңға малынып жүргенімде мен ақымақтың басына келгені сол ғана болды ғой… Өйткені, қайғыдан жабығып жүрген едім, достар! Сол кезде қуаныш пен қайғыда, онлайнда, шын өмірде қасымнан табылып жүрген достарыма жүгінбей, ішкі қу эгоның (нәпсі) жетегінде бұл жерден кету деген мен тарапымнан өте жағымсыз қылық болды. Көз алдымызда ағылып өтіп жатқан қысқа өмірде кешірімді болсақ деген үмітпен алдарыңа басымды иіп, кешірім сұрап келіп отырмын. Жетесіз ойға бағынып, ессіз жасаған қылығы үшін быраттарыңды кешіріп қоярсыңдар, айналайындарым:)

Өткендегі төсекке таңылып, «нақтанып» жүрегімді ақтарып жазған постымды боқтық сөз деп ұққандар болса, жаңылыс түсінбегейсіздер. Ол боқтық сөз емес, бәлки, жәй ғана интернет сленгтер екенін осындағы көнегөз блоггерлер жақсы біледі. Өткен — өтті, кеткен — кетті деуге болмаса да, бірақ, он.кз-ке кірмей күндерде жарылып кете жаздадым. Көңілдеріңіз тарылып, «мынау қайтып келіпті ғой» деп жүрмегейсіздер!

Опшым, қайта орталарыңдамын! Бәріңе мир:) Иии жандары сол:)

Омар Хайям. Рубаилар (Типі аудардым, енді)

SADKO FM — Sun, 27 Nov 11 23:00:59 +0600

Шығыс ақындарынан Омар Хайямды өзгеше құрметтеймін. Орысшаға аударылғандары көп. Бірақ, өзім орысша дұрыс түсінбегеннен соң, өлеңді жетік түсіну де қиынға соғады. Өз ойымда орыстардың тілі Омардытолық түсіндіруге жетпейтін сияқты көрінеді (өз ойым). Шығыстық үлгіде болған соң көбінесе, өзбек және шағатай тіліндегі аудармаларын оқимын. Аэропортта отырып, не істерімді білмей, Омардыңмына өлең жолдарын шамам келгенше аударып шықтым. Бірақ, өзімнің көңілім кішкене толып отырған жоқ. Нағыз ойды шығара алмаған сияқтымын. Не болса да, оқып көріңіздер! Ал менің жолым болсын:)

Ей, көңілім, сыйлық күтпе бұл заманнан қараңғы,
Уақыт озар барлығынан шаң қаптырып адамды.
Дертің әр сәт күшейеді, ауырады тынымсыз,
Күткенменен мына уақыт емдемейді жараңды.

Разылығың қайда, құдай, өзіңе шын сенгенмін?!
Көңіл неге қап-қараңды, нұрыңды іздеп келгенмін?
Жұмағыңа жеткіз мені, жалғыз сенде көңілім,
Жаратылған топырақтан ақысын бер пендеңнің!

Алла бәрін білді емес пе? Көңілде бұл сұрағым…
Білді бәрін: қайда жүріп, қайда барған тұрағын.
Ақыретте айтшы мені жазалайды не үшін?
Қалауынан асатындай жасамадым күнәні.

Өтіп жатыр өмір қиын, дертімнің жоқ емі де,
Рахат – қысқа, қиындықтың болмай жатыр шегі де.
Бірақ-тағы шүкір етем, Жаратқанға молынан
Тастамаған апатпенен зұлымдықтың кеніне.

Бас тартпағын, ей көңілім, көтер мына шараптан!
Бұл да менің несібем ғой сыйлап берген Жаратқан.
Жүзіңдейін жалт-жұлт еткен шарапты құй кесеге,
Тәубе еткен көңіліммен толсын тағы парақтар!

Кеше тағы шарап іздеп шықтым барып алмаққа,
Бір гүл солып жатты жерде мен жүретін жол жақта.
Дедім оған: — Не жаздың сен? Қалай түстің бұл күйге?
Жауап қатты: — Бір сәт қана жайнап едім гүл бақта…

Ұзын сақалға көшеге шыққанда жасайтын үлгілер бар ма? (тақырыпқа сай емес тақырып, бұқақақа)

SADKO FM — Fri, 25 Nov 11 11:46:24 +0600

Ооооо, баревахте, баревахте:) Амансыздар ма, достарым мен әзиз дұшпандарым:) Сіздерді көргеніме қуанғанымды сөзбен жеткізе алмаймын, бәлки, жазып жеткізбекпін. Жат жақты жүріп өз еліңді сағынасың-ақ, бірақ Қазақстанға қайтқым жоқ (бір себеп қана қайтуыма мұрындық)

Тәәәк, не деп жатыр мынау деп — түкке түсінбей отырған қауымға Малайзияда екенімді әпитсиәлні зәйівләю ибо АйнаТВ кейде сенімсіз ақпарат беруі мүмкін:)

Мұнда барлығы керемет. Зәулім үйлердің арасында жаяу қыдырғанда, әлгілерге қарап көзің мен мойның талатыны шын.

Не үшін бардың? Мен университетке документ өткізіп жүрмін. Дәлірек айтқанда өткізіп болдым.

Ауа райы қалай? Ауа райы тамаша. Күн деген ыстық.

Адамдары қалай? Адамдары жақсы, жалпы жаман адам жоқ қой. Мұсылмандар. Халықтың көпшілігін интеллигентті санатқа жатқызар едім. Қазззақтар нақ:)

Қандай универ? SEGI

Қалай бардың? Тіке мағынасында айтсам, ұшақпен:) Ал, оқуға болса, ешқандай бағдарлама емес, өзім.

Тағамдары қалай? Тағамдары ащылау. Бірақ, қытайлардікі сияқты ауызды өртемейді.

Бағалары қалай? Мен Шымкенттен басқа арзан жер көрген жоқпын.

Қайда тұрып жатсын? Қонақүйде. 14-этажынссс...

Қандай мамандыққа оқисың? Компьютерлік технологиялар ғой баяғы.

Егер, басқа да сұрақтар болса, астына қоя беріңіздер:)

Анара айтпақшы «жазатын дым жоқ».)

Осы сәтті пайдаланып, барша ОНдықтарға, әсіресе братаным Теріскейге (он же Мейірбек, он же Жағымпаз жігіт) жалындаған сәлем:) Опшым мир:)

Мама, мама!!!

SADKO FM — Sat, 19 Nov 11 17:48:56 +0600

Ех, мама, мама! Мен сені түсінем! Баламнан кемшілік көрмейін деген эгоң басым болып тұр ғой, дәл қазір. Мен періште емеспін ғой, мама… Мүмкін мені өз қолыңда өсіргеніңде барлығы мүлдем басқаша болар ма еді??? Мен тағдырға ренжімеймін… Кеш те болса беріп жатқан мейіріміңе рахмет! Мұның өзін өлгенше өтей алмаспын, сірә...

Елім үшін не істеп жатырмын?-2 немесе Мейіргүл, сен менімен егізсің ба?

SADKO FM — Mon, 14 Nov 11 20:37:05 +0600

Мика: Ауылдың қарапайым қазағымын.

Садко: Ауылдың блатной-брәтішке қазағымын

Мика: Балалық шағым ауылда өтті.

Садко: Балалық шағым ауылдағы үйде өтті

Мика: 7 сыныпта қалаға келдім.

Садко: 6 сыныпта қалаға келдім

Мика: Мектеп-интернатқа.

Садко: Мектеп-интернатқа деп әкелген негізінде. Бірақ ол Тозақтың жердегі аналогы еді:)

Мика: Тарих пәнінен қырғын соғыс пен қан майдандарды оқитынбыз.

Садко: Тарих пәнінде сынып жетекшімен сынып сағатын өтетінбіз. Бұл деген соғыс майданнан кем түспейтін еді, поверьте.

Мика: Тарих дегеннің өзі сондай қантөгістерден ғана құрала ма деп ойлайтынмын.

Садко: Мәриям апай:((((((((((((((((((((

Мика: Мектеп бітірген соң, атарбамен айшылық жолдағы Алматыға аттандым.

Садко: Мектеп бітірген соң, отарбамен 12 сағаттық жолдағы Алматыға аттандым.

Мика: Білім алуға.

Садко: Басында мен де солай ойлағам

Мика: Осынау ордаға келген соң, менің өмірімнің жаңа парақтары ашыла бастады.

Садко: Осынау ордаға келген соң, менің өмірімнің ескі парақтары жабыла бастады.

Мика: Өзді-өзі болғаннан кейін жастық көңіл ананы білсем, мынаны көрсем деп алып -ұшып тұрады екен.

Садко: Мұндай Шымкенттік менталитет менде де болды:)

Мика: Бірнеше қоғамдық ұйымдарға мүше болдым.

Садко: Бірнеше қоғамдық ұйымдар маған мүше болды

Мика: Алдымен, құр айғай мен нәтижесіз ереуілдерден басқаны білмейтін жалаң патриоттардың артынан ердім.

Садко: Нең бар? рухментіліңдіссс...

Мика: Бұндай жалаң патриоттар ауылдан келген қазақтың паразиті дер едім қазір.

Садко: Точно!

Мика: Ал ол кезде олардың айтқандары шынайы шындық боп көрінетін.

Садко: Айтқан нәрселерді көретін қасиетім жоқ екен, кешіріңіз:)

Мика: Рас, кейбіреулерден Қазақстанның жағдайы пәлен-түген, сыртқы қарызымыз мұншама, мұнайымыз пәлен жылдан соң бітеді, біз құримыз, біткен жеріміз осы деген сықпыттағы пікірлерді естіп жатамын.

Садко: Рас, Қазақстанның жағдайы пәлен-түген, сыртқы қарызымыз мұншама, мұнайымыз пәлен жылдан соң бітеді, біз құримыз, біткен жеріміз осы деген сықпыттағы пікірлерді айтып жүремін, бұқақақа:)

Мика: Менің ойымша, адам бүгінгімен өмір сүруі керек. Мемлекет өз өмірінде бірнеше белестерден өтіп, сан қилы тағдырды бастан өткереді.

Садко: Ал мен кеше «Сан қилы тағдырлар» көркем фильмін көрдім.

Мика: Мен елім үшін не істеп жатырмын? Осы сұрақ әркімді мазалауы керек...

Садко: Мен елім үшін не істеп жатырмын және мемлекет мен үшін не істеп жатыр? Осы сұрақ әркімді мазалауы керек...

Мика: түйін: Еңселі егемендігіміздің жиырма жылдығы құтты болсын!!! Азат қазақ азаттығынана айырылмасын!!!

Садко: түйін: Қосылам, бұқақақа:)

Жазылғандарды қақпай жатсаңыз сіздің орныңыз мы/ұнда

PыSы: «Не бопты сөйтсе, не қызық бар бұл жазбада?» деп отырған оқырмандарға:Ештеңе етпейді қарақтарым! Мұны 2091 жылы түсінесіздер:)

6 сыныптағы Садықтың даусын естіңіздер:)

SADKO FM — Sat, 12 Nov 11 00:41:52 +0600

Ағаларым, дыбыс студиясына барып өлеңдерімді жаздырған еді… Тыңдап көріңіздер:)

Оян, қазақ!

Мен адаммын...

update: Мұнда редактор ойнатқышты шығармай жатса, мына жерден естулеріңізге болады!

1) kiwi.kz/watch/tuf7q7fdkdqx/

2) kiwi.kz/watch/3wfbwbqc2aa8/

Ауырады жүрек, ауырады

SADKO FM — Sun, 06 Nov 11 21:02:26 +0600

«Жүрек қалай ауырады екен» деп ойлайтын едім. Мүмкін алдын ауырған да шығар, жүрегім. Адам ұмытшақ қой. Есімде жоқ...

Қарындасыым менің… Мен сенің бұлай ауырып жүргеніңе жүрегім шыдай алар емес. Сенің қиналғаныңды көріп өзімді қоярға жер таба алмай кетемін. Ағаң сен дегенде жылы сөздерді де айта алмай тілі байланып қалады. Кешірші мені. Қазіргі тілегім тек қана біреу: Сен жазылып, ортамызды қуанышқа толтырып қайта оралсаң екен...

Лібә, керемет дауыс!

SADKO FM — Thu, 03 Nov 11 12:39:08 +0600

Мәәәәә, мына өлеңді тыңдап жүргеніме айдан асып жатқан шығар! Мына өлеңдегі дауыстың тазалығы мен мөлдірлігі керрееееемет та:) Жарқын, әнші боп кетсең фанаттарыңның тізіміне ең бірінші қылып мені жазып қой! Алдын СадкоФМде жариялап едім, естімегендер естісін тағы да:)

Керемеееет қыз! Талант! Бравоо!

SADKO FM — Wed, 02 Nov 11 05:55:12 +0600

Басынан бастап көріңіздер! Өкінбейсіздер! Хехе, 5 минутта қааншама эмоция:)

Жылап жіберсеңіздер таң қалмаймын!

Ең ұзын есімнен бәһрә ала отырыңыздар:)

SADKO FM — Wed, 26 Oct 11 17:39:28 +0600

Ыңғайсыздық тудырған болсам, бас иіп тағзым етіп кешірім өтінем, бұқақақа:) ОН.КЗ Командасының арнайы хаты үшін рахмет:) Қолданушы келісімін сақтайық, әй!

Шара жоқ қой, енді (ОN.KZ қолданушылары атынан)

SADKO FM — Sun, 23 Oct 11 01:40:24 +0600

Өлім — айтып келмейді. «Тумақ — сүннет те, өлмек — парыз» дейді бабаларымыз. Өмірге шыр етіп келген соң, өмір сызығымыздың соңында өліммен кезігетініміз баршамызға аян. Бүгін арамыздағы керемет блоггер аруымыздың ағасы (әкесінің інісі) өмірден қайтқан екен.

Рауана, көңіліңді түсірме. Өмір деген осындай ғой. Біреу ерте, біреу кеш кетіп жатады. Ең бастысы ағаңның артында қалған отбасы мен туыстарының ғұмырын берсін. Ағаңның арты қайырлы болып, жатқан жері жаннаттан болсын.

Менімен бірге екенің үшін бақыттымын:)

SADKO FM — Sat, 22 Oct 11 03:12:29 +0600

Ееех, достарым! Біраз уақыттан бері андай, «біртүрлі» посттар жазып жүргеніме куәсіздер. Жекеге «Садко, не боп қалды?», «Бәрі дұрыс па?» деген сияқты хаттармен жағдайымды сұраған, "Ұзағынан болсын", «бақытты болыңдар» деп тілегін білдірген достарыма да рахмет:)

Жанұям онымен қалай танысты?

Бүгін менің өмірімдегі ең маңызды оқиғалардан бірі орын алды десем, қателеспеймін. Сонша уақыт, посттарымда жүрек сезімімді жеткізіп жүрген сүйіктімді (қызымды, жанымды, гиолфрендімді) отбасыммен таныстырдым. Қатты қобалжығаным өтірік емес. Менің жағдайым солай болып тұрғанда, қыздың жағдайын көз алдарыңызға елестете беріңіздер:) Менің оған «Сені үйдегілермен таныстырмақпын» деген сөзімнің өзі қалай әсер еткенін біліп отырған шығарсыздар. Әйтеуір, зорға дегенде танысуға баратын болып шештік. Кешкі сағат алты ұйқымен, интернетпен отырып жетті-ау, әйтеуір. Сонымен, не керек сағат алтыдан аса қасымдағы сұлумен қол ұстасып үйге кіріп келдік:) Екі бөлмелі үйдің есігін апам ашты. Қолымыздағы шоколадты қарындасыма ұстатып, қонақ қыздың құрметіне жайылған дастарханның басына жайғастық. Апам да келіп дастарханға отырды. Бата қайырылды. Кішігірім әңгімелер басталып та кетті. Жағдай сұрасып, жөн сұрасып дегендей. Әйтеуір, қыздың сынын білуге жетерліктей уақыт болды деп ойлаймын. Қызым ұялғанынан, нәзік маңдайынан моншақ тер аққанын байқадым. Сериал көріліп, әңгіме айтылып біткен соң қасымдағы аруым «Кеш болып кетті» деп қайтуға ыңғай білдірді. Опшым, шығар кезде, апам мені шақырып алып, өзінің көңілі толғандығын, керемет қыз екенін айтып, көзін қысып қойды:)

Уфффф, Фейсконтрольдан өттік:)

Мен онымен қалай таныстым?

Жаймашуақ күндердің бірінде жұмыста отырып, Mail.ru Агенттегі контактілерімнің тізіміне бір қызды қостым. Жазған жазбалары өте ұнайтын. Виртуал әлемнің қызығында жүріп, талай әңгімелер айттық. Әзілдері мен әр айтқан сөзі көңілге қонымды бұл қызбен күн сайын сөйлеспесем тұра алмайтын болдым. Күндердің күнінде мен оны достық көңілмен киноға шақырдым. Белгілі бір себептер үшін әзірге жолығуға мүмкіндігі жоқ екенін айтты. Түсіндім. Сонымен, кішігірім уақыт өтіп, Алла Тағала әлгі қызбен жолығуды да нәсіп етті. Киноға да бардық. Сөйлестік. Білістік. Мен оны ұнатып қалдым. Біраз уақыттан соң сөзімді де айттым. Ол келісті. Бәрі осылай басталды...

Менімен бірге екенің үшін бақыттымын, Эльвира Ерғалина!

Еркектердің түрлері

SADKO FM — Fri, 21 Oct 11 01:49:21 +0600

«Лібә, не деп кетті, мынау» демеңіздер… ~~Бұны бірнәрсеге ашынғанымнан жазып отырмын.~~

Дистбитілні еркектер — еркектің бұл түрі өз шаруасына бекем, басқамен ісі жоқ, өз-өзіне және өз қамқорлығындағыларға жауапты болып келеді. Иә, анда санда өтірік айтатындары бар. Адам болған соң бәрі айтады ғой. Бірақ, тілімен ауылдағы атамның жоңышқасын орып, өтірікті Ниагара сарқырамасындай ағызбайды. Әзілі жарасымды. Түгі қалмай, күйе жеп қойған әзілдерді айтып, құсқыңды келтірмейді. Күлдіре алмайтынына көзі жетсе, үндемей қоя салады. Салмақты, ойын да дұрыс жеткізе біледі.

Нәрмәлні еркектер — шын еркек болуға талпынбайды да, қазіргі жағдайым өзіме жетеді деп ойлайды. Онысы да дұрыс болар бірақ, осы күйінен айықпаса тұйықтала береді. Бұларға кішкене сыртқы қоғамнан қолдау жетіспей тұрады.

Робот еркектер — еркектердің бұл түрлері өздігінен ешнәрсе істей алмайды. Бірақ, өздеріне берілген бұйрықты, істі, бұлжытпай орындайды. Бұлардың кемшілігі — шешім қабылдар сәтте міндетті түрде біреуге арқа сүйеп отырады.

Жартыбас еркектер— не айтып, не қойғанын білмейтін еркектің түрлері. Іс-тапсырсаң жартылай орындайды. Жауапкершілігі аздау бұл байғұстар қоғам түгіл, өз-өздерінің сенімінен айрылған. Көбісі дамудан жырақтау. Бірақ, агентте отырып алып, оттап отыратындары да аз емес.

Ноқалай еркектер — жартыбас еркектерден уақыттың эволюциясы негізінде жеке дара бөлініп шыққан еркектердің түрлері. Бұлар не айтып, не қойғаны түгілі не естіп, не көргендерін тіпті, өздерінің не ойлап жатқандарын да білмейді. Бірдеңе сұрай қалсаң, адамдық өмірінде алғаш рет жан баласын көріп тұрған сияқты болып түріңе аңтарыла қарап тұра береді.

"Қатын" еркектер — еркек атаулының арасындағы еркектік сипаттан айрыла бастаған ең топас және сорақы түрлері. Топас дегенде бастары істейді. Сөйлеп, ой қорыта алады. Бұларды көргенде ауылдағы "өсекцентр" аталып кеткен Жамангүл әпшемнің өзі жағасын шайнап, аузына құм құйылып отырып қалады. Біреудің өмірі мен жеке басына келгенде айтудан алдына жан салмай айтқаны соншалық, Манас ырын ырлаушылар бұл эпизодты көрген сәтте-ақ комузымен қоса табалдырықтың алдына барып асылып қала салады.

Голубойлар— (гей, гомик, педораст, транс) еркек атаулының ең төменгі тап өкілдері. Ашықтама беріп өтудің өзі пірәтивнә! Көрген жерімде ұстап алып, екі көзін ойып, бауырын итке тастап, жіліктерін отқа жағып жіберсем де өкінбеймін.

Ал сіз қай топтансыз?

p.s. Әрине, бұдан басқа да өкілдері көп. Ой қосатын азаматтар болса, пікірлеріңізді білдіре кетіңіздер:)

Ихтиандрдың бүйрегі немесе менің аспаздық өнерім

SADKO FM — Thu, 20 Oct 11 11:54:08 +0600

Құрметті достар! Бүгін сіздермен бірге «Ихтиандрдың бүйрегі» атты тамақ жасаймыз. «Бұрын соңды естісем — көзім шықсын» деп жатқан боларсыздар. Ештеңе етпес, жап-жақсы тамақ...

Керекті нәрселер:

Балық-адамның яғни, адам анфибияның бүйрегі, жарты литр «ШымкентМай»деп аталатын күнбағыс майы, тұз, скабаротка, газ, күкірт және денсаулық үшін 100 грамм «Теңіз маржандары»:)

Жасалу барысы:

1) Газды жағасыздар

2) Скабароткаға май құясыздар

3) Май тұшыған соң, бүйректі саласыздар

4) Ихтиандрдың әруағы шырылдап бітті-ау дегенде, тұз салып одан сайын азаптайсыздар, бұқақақа:)

5) Әбден, қуырып болған соң, бүйректі тарелкаға салып, дастарханға тартасыз.

6) Әуелі 100 грамм «Теңіз маржандарын» таржверіп, соңынан «Ихтиандрдың бүйрегін» асап қоя бересіз:)

Ас болсын, бұқақақа:)

update: Осы фильмді көргендер немесе кітабын оқығандар бар ма өзі?

Очень страшный город

SADKO FM — Tue, 18 Oct 11 12:41:19 +0600

Шымкентте жүргенімді білерсіздер. Мұнда қызық қой:)

Негізі, Шымкенттің қауіптілеу жер екенін бұл Алматыға түлеп ұшқандар немесе іші күйіііііп Шымкентте қалып қойғандар біледі.

Алдыңғы күні түнделетіп ауруханадан қайтып жатсам, үйдің жанында полиция мен жедел жәрдем (Шымкентте оны AMBULANCE дейді, бұқақақа) автокөліктері топырлап қалыпты. Жақындап келіп қарап едім, қанға боялған біреуді есіктен шығарып жатыр екен. Жүзі жылы көрінген бір мүйіздің, ой кешірім өтінем, полиция қызметкерінің алдына барып амандасып, мән жайды сұрадым. Басын қасыған күйі:

— Адам өлтірілген ғой. Саунада жатқан жерінен өзін, досын және жалдаған екі жезөкшесін атып кетіпті! — дейді.

— Аааа, қиын болған екен! — деп қоям, әйтпесе, ана жердегі атмосфераның өзінен жіберіп қоя салу сөз емес қой...

Арғы жақтағы жиналған бірен-саран адамның бір "мафияның мүшесі шығар", "еее, байғұс артын қысеееп жүрмей ме, шешесс" деп күбірлеп жатқандарын құлағым шалды.

— Өткен аптада да болған еді, осыған ұқсас — деп полиция қызметкері сөзін жалғастырды.

— Аааа, қиын болған екен! — деп қоям тағы...

— Өзің жайша жүрсің ба?

— Мен ба? Мен пресса...

Әлгі мүйіз бетіме суық қарады да, кетіп қалды… "Шешесс" дегеннен басқа фраза аузыма түспей қойды:)

Үйде жатып "жезөкшелердің не жазығы бар еді" деп ойладым, бұқақақақа:)

Иә, жаным...

SADKO FM — Tue, 18 Oct 11 02:38:20 +0600

Көздеріңе ұзаақ қараймын. Маған жымиясың…

— Шынымен сүйесің бе? — деп сұрайсың...

Мен бір сәт жанарыңа қарап, ойға шомып кетем:

«Жаным, менің! Сені көрген күннен бастап менің өмірім күрт өзгерді. Өзімді-өзім тани бастағандаймын. Сенің күлкің көңілімді нұрландырып, өзгеше бір аспан күйге бөлейді. Ерке қылықтарыңды көрген сайын көңілім қуанады. Қасыңда сені еркелетіп отыру мен үшін қандай қуаныш екенін түсінесің бе?! Келестің толқынындай ерке сылаң қаққан шаштарыңның әрбір талы мен үшін өмірдегі барлық байлықтан қымбат. Сен құшағымда отырған әрбір секундтың мен үшін қандай маңызды екенін білсең ғой… Өзіңді көргім келіп, қасыңа ұмтылам да тұрамын. Екеуміз отырғанда уақыт атаулыға ызам келеді:) Не үшін тез өтеді екен осы… Бетіңді сипаған салқын самалдан, өзің тыныс алатын ауа мен шөліңді қандырар мөлдір судан, тіпті, өзімнен де қызғанамын. Біз қоштасқан сәттен бастап, келесі кездесуімізді тыным таппай, тағатсыздана күтем. Мен сені тұла бойымдағы жанымнан да артық жақсы көремін. Мен...»

— Иә, жаным… Мен сені бәрінен де артық сүйемін!

— ....

Қара рэптің құдіреті:)

SADKO FM — Mon, 17 Oct 11 15:14:08 +0600

Былай негізі, музыка дегенге онша талғамы жоқ жанмын да:) Шетелдік орындаушылардың рэп, регги стиліндегі өлеңдерін тыңдап тұрамын. Мына бір өлеңді 2005 жылдан бері тыңдап келе жатырмын. Алғаш рет Need for Speed: Most Wanted ойынынан естігем. Қызығы, әр естіген сайын көңіл-күйім өзінен-өзі көтеріле кетеді:)

T.I.feat.Psc Dro & C-Rod — Do Ya Thang

p.s.Мәәә, мынау не деген бкусы жоқ адам дерсіздер:) Шынымды айтайын, мен де Жалғас Ертайды көргенде солай ойлайм, хехе:)

Сәлем - сөздің маааамасы:)

SADKO FM — Mon, 17 Oct 11 14:13:41 +0600

Құрметті достар мен жартылай дұшпандар:) Барлығыңызға сәлем:) Сенбідегі кездесуден кейін, жексенбі күні зорға басты жазып, бүгін жұмысқа сау-саламат шықтыңыздар ма?:) Бара алмағаныма өкінів жатқаным өтірік емес. Алматыға барғанда Meier Gul ханымға арнайы кіріп өтермін:) Таңертең збандағанымда даусы жарқын (алаш емес) шығып тұрған еді:) опшым, 21 жас құтты болсын:)

Айтайын дегенім SADKO FM-нің келесі қонағы БОТИК КМ:) Жесткы-жесткы сұрақтарыңызды күтеміз:) Жаңа жұмыс күні мүбәрәк болсын, бұқақақақа:)

апдейт:

Ойбай жандарым, жесткы дегенде слишком жосткы емес:) Жаңағы сұрақтармен БОТИКті 6 қабаттық үйдің төбесінен жер құшақтаған жерінен тауып аламыз ғо:)

Сағындым... (Кешегі күй)

SADKO FM — Sat, 15 Oct 11 05:01:19 +0600

Сен жыладың… Бұның себебін екеумізден басқа ешкім білген жоқ… Кеудеме басыңды қойып, көз жастарың бетіңнің балғын терісін жуып жатқанда, менің жүрегім қан жылап жатқанын сездің бе екен?! Бейне бір Ләйлі мен Мәжнүннің күйін бір сәтке кешкендей болдық… Біздік мұңның алдында Ромео мен Джульеттаның азабы әлдеқайда жеңіл еді...

Сен айттың… Мен тыңдадым… Әр сөзің ішімді 6000 градуста өртеді. Ызадан емес. Айтып жатқаның көз алдымнан секунд сайын көкірегімді қақ айырып өте берді. Бір уақытта мен мұзға айналып бара жаттым. Сен нәзік алақаныңмен қолдарымды жылыттың...

Сен қарадың… Маған қараған көз қарашығыңның түбінен сырға толы, қайғылы тағдырдың суық самалын сездім. Өрілген шаштарыңдай бұралаң болған өмір жолыңның келіп жеткен соңғы нүктесінде өзімді көрдім. Иығымда қимылсыз тұрған алтын басыңнан ағылған шашыңды иіскедім. Сен мені құшақтай түстің… Қаншалықты тауқыметті көрсе де, қатал тағдырдың тепкісіне именбеген нәзік жүрегіңнің дірілін сездім. Мұздаған жүрегім сенің жіңішке даусыңмен шығып жатқан мұңмен бірге еріп жатты...

Сен тыңдадың… Мен айттым. Біз отырған дүниенің бұл бұрышында орнаған қоңыр күз сенімен қосылып жылап тұрды… Екеуміз үшін уақыт атаулы бірнеше ғасырға тоқтап, күзгі самал біздің мұңлы күйімізді қосыла шертті.

Мен келдім… Мен сенің жүрегіңе, өміріңе келдім. Өйткені, тасқа айналған мендік болмыс, шын махаббаттың уы мен балын өзіңнен татты. Сен — мендіксің! Ешкім сені менен айырып алуға ақысы жоқ… Мен сені сүйемін. Алдымда қалған қысқа да, қатал ғұмыр жолымды өзіңмен бірге кешуге, кез-келген қуаныш пен қайғыны бірге бөлісуге әзірмін, жаным. Тек ендігәрі, мұңая көрме… Сенің баға жетпес әсем көздеріңді мұңды тамшылармен көргім келмейді. Осыны ұмытпағайсың… Мен қасыңдамын!

Сағындым...

Әпитсиәлні зәйівләю, бұқақақа - 2

SADKO FM — Sat, 15 Oct 11 03:02:09 +0600

Соңғы кездері өзім де, өзгелер де "Қара Сақал или Садық Шерімбектің басы бос екен" деп естіп жүргені өтірік емес шығар. Так ышто, достарым, осы бір салтанатты сәтті пайдаланып, менің басым бос емес екенін, ай десе аузы, күн десе көзі бар, ақылы көркіне сай әлемге айырбастамас сұлуым бар ЕКЕНІН ресми түрде жариялаймын:) Қысқасы, осы:) Фидел Кастро деген амигом яғни, бұл жолы өзім айтпақшы:

«Түнделетіп маза бермей жүрген қыздар, ренжімеңіздер! Мазалай берсеңіздер, нөмірлеріңізді аш бөрідей жан-жақты торуылдап, қыз таппай жүрген достарыма беріп жіберем, бұқақақа!»

Бұны не үшін жазып отырм. Уооот, мәселе осында боп тұр ғо:) Құдай сақтасын, бірақ ертең біреу-міреу «мен Садықтың қызы едім, омен 3 жыл жүргенбіз немесе жүріп жатырмыз» деп өтірік әңгіме айтса, сенбеңіздер дегенім ғой! Менің сүйіктім олай айтпайд:) Опшым солай:) Ал, енді у іше берулеріңізге рұқсат:)

Әпитсиәлні зәйівләю, бұқақақа

SADKO FM — Fri, 14 Oct 11 13:57:17 +0600

Соңғы кездері өзім де, өзгелер де "Қара Сақал или Садық Шерімбек — "уахабит"" деп естіп жүргені өтірік емес шығар. Так ышто достарым, осы сәтті пайдаланып, ешқандай діни ағым мен сектаға қатысым жоқ екенім ресми түрде жариялаймын:) Сақалы бардың барлығы уахабит бола берсе, біткен жеріміз осы екен нақтың… Қысқасы, осы:) Ешқандай ағым-пағым атаулыға жоламаңыздар:) Фидел Кастро деген амигом айтпақшы:

«Дін деген өздігінен апиын емес. Оны дұрыс түсінбесең ол апиынға айналады.»

Бұны не үшін жазып отырм. Уооот, мәселе осында боп тұр ғо:) Құдай сақтасын, бірақ ертең 3 әріп пен 4 әріптілер сақалың бар деп қолыма кісен байлап әкетіп қалса нетіп, ақтап жібересіздер ме деген сорлы үміт қо:) Опшым солай:)

Эврика немесе мен оны таптым...

SADKO FM — Tue, 11 Oct 11 05:16:26 +0600

Сезімді адам секілді сезінбегелі қашаан?!:) Эх, бүгінгі түн мен үшін тым өзгеше. Мен сені таптым… Ішімде жатып шаң мен мұң басқан ескіліктер жаңарғандай күй кештім. Жаннеееееееееем сол:) Көздеріңнің тұңғиығына өмір бақи батып кетсем де арманым болмас еді-ау?!:)

Опшым не керек, екі-үш күн болмаймын. Ауылға кетемін. Сағынып қалсаңыздар риза боламын:)

псс. Осындай пост жазбағалы біраз бопты. Андай біртүрлі болса реніш жоқ:))))

пссс. Негізі пост та емес қой:) Пыросто андай:)

Урааа! Менде 29-ыншы жазба! Жеттім-ау мен де:)

SADKO FM — Mon, 10 Oct 11 17:43:58 +0600

Неге 29? Неге «не в тему» 29 деп ойлап жатқандар тоже жоқ емес деп ойлаймын. Дұрыс ойлайсыздар. 29 не деген бейшара сан?!:) 29 саны туралы интернеттен іздеген едім ауыз ақтарып айтатын түк те таппадым. Ежелгі Инк тайпаларының 29 құдайы, немесе Нұқ пайғамбардың 29 ұлы (ондай емес негізі), Ай өз осінде жерді 29 күнде айналып шығады, анау-мынау деп мән мен сыр іздемей-ақ қойыңыздар құрметті оқырманым:) Ешқандай да мағына жоқ! Тупо, 29:) Өз ойымда қалыптасып қатып қалған түсініктерді жарып тастауды жөн көрем. Нұрзияның жазбасына қарап тұрып, неге міндетті түрде 100, не үшін 29-ыншы жазбамды атап өте алмаймын деп ойладым:) Так ышто, Нұрзияға 100-іншііііііііііііі, маған 29-ыншы жазбам құтты болсын:)

ОШО деген философты иттің етінен жек көрсем де, кейбір позициялары ұнайды. Кейде осы тектес ойларым мені өмірімнің жаңа баспалдағына көтерген шығар деп ойлаймын. Қысқасы, мына видеоны көріңіздер:) Құттықтауларды астына жазуға рұқсат:)

Знаешь что? Я чертовский рад, бұқақақақа!

SADKO FM — Mon, 10 Oct 11 10:17:50 +0600

Это мой второй пост:) Прошу прощение за то что порчу вам настроение. Просто я действительно радпын да:) Потому что, в Шымкенте не надо знать русский язык:) Спасибо за внимание :)

Не ғҰ, төбедегі екі қатарды жазу шін төмендегі

1.И пришло разрушение Ачебе Чинуа
2.Сказки Ганс Христиан Андерсен
3.Гордость и предубеждение Джейн Остин
4.Отец Горио Оноре де Бальзак
5.Моллой Беккет Сэмюэл
6.Мэлон умирает Беккет Сэмюэл
7.Безымянный Беккет Сэмюэл
8.Декамерон Боккача Джованни
9.Коллекция сочинений Борхес Хорхе Луис (частично)
10.Грозовой перевал Бронте Эмили
11.Посторонний Альбер Камю
12.Поэмы Пауль Целан
13.Путешествие на край ночи Селин Луи Фердинан
14.Дон Кихот Сервантес
15.Кентерберийские рассказы Джефри Чосер
16.Рассказы Чехов Антон
17.Ностромо Джозеф Конрад
18.Божественная комедия Данте Алигьери
19.Большие ожидания Чарльз Диккенс
20.Жак-фаталист и его хозяин Дидро Дени
21.Берлин, Александерплац Альфред Деблин
22.Преступление и наказание Федор Достоевский
23.Идиот Федор Достоевский
24.Братья Карамазовы Федор Достоевский
25.Бесы Федор Достоевский
26.Миддлмарч Джорж Элиот
27.Нивидимка Эллисон Ралф
28.Медея Эврипид
29.Авессалом, Авессалом! Фолкнер Уильям
30.Шум и ярость Фолкнер Уильям
31.Госпожа Бовари Флобер Гюстав
32.Сентиментальное воспитание Флобер Гюстав
33.Цыганские баллады Гарсия Лорка
34.Сто лет одиночества Гарсия Маркес
35.Любовь во времена холеры Гарсия Маркес
36.Месопотамия Гилгамеш
37.Фауст Иоганн Гете
38.Мертвые души Гоголь
39.Жестяной барабан Гюнтер Грасс
40.Grande Sertão: Veredas João Guimarães Rosa
41.Голод Гамсун Кнут
42.Старик и море Хемингуэй Эрнест
43.Илиада и Одиссея Гомер
44.Кукольный дом Генрик Ибсен
45.Книга Иова
46.Улисс Джойс Джеймс
47.Процесс Франц Кафка
48.Замок Франц Кафка
49.Рассказы Франц Кафка
50.Признание Шякунталы Калидаса
51.Голос гор Кавабата Ясунари
52.Грек Зорба Казандзакис Никос
53.Сыновья и любовники Лоуренс Дейвид Герберт
54.Самостоятельные люди Лакснесс Халлдор
55.Лирика Джакомо Леопарди
56.Золотой дневник Лессинг Дорис
57.Пеппи Длинный чулок Линдгрен Астрид
58.Записки сумасшедшего и другие рассказы Лу Синь
59.Махабхарата
60.Children of Gebelawi Нагиб Махфуз
61.Волшебная гора Манн Томас
62.Моби Дик Мелвилл Герман
63.Опыты Мишель Эйкем де Монтень
64.История Эльза Моранте
65.Любимица Моррисон Тони
66.Повесть о Гендзи Сикибу Марасаки
67.Человек без свойств Музиль Роберт
68.Лолита Владимир Набоков
69.Сага (англ.прев. Njaals Saga)
70.1984 Оруэлл Джордж
71.Метаморфозы Овидий
72.Книга неуспокоенности Песоа Фернанду
73.Рассказы Эдгар Аллан По
74.В поисках утраченного времени Пруст Марсель
75.Гаргантюа и Пантагрюэль Рабле Франсуа
76.Педро Парамо Рульфо Хуан
77.Маснави Джалал Ад-дин Руми
78.Полуночные дети Салман Рушди
79.Бустан Саади Мушаррафаддин ибн-Муслихаддин Абдаллах
80.Сезон паломничества на север Ат-Тайиб Салих
81.Слепота Сарамаго Жозе
82.Гамлет Вильям Шекспир
83.Король Лир Вильям Шекспир
84.Отелло Вильям Шекспир
85.Царь Эдип Софокл
86.Красное и черное Стендаль
87.Жизнь и мнения Тристрама Шенди Лоренс Стерн
88.Самопознание Дзено Итало Свево
89.Путешествия Гулливера Свифр Джонатан
90.Война и мир Лев Николаевич Толстой
91.Анна Каренина Лев Николаевич Толстой
92.Смерть Ивана Ильича и рассказы Лев Николаевич Толстой
93.1000 и 1 ночь
94.Приключения Гекльберри Финна Марк Твен
95.Рамаяна Вальмики
96.Энеида Вергилий
97.Листья травы Уитмен Уот
98.Миссис Делоуэй Вульф Вирджиния
99.На маяк Вульф Вирджиния
100.Воспоминания Адриана Маргерит Юрсенар

оқп чыққанымды (алматинский акцент қҰ мынау, бұқақақа) айтпақ құяйын тойыст, қояйын:) Қысқас, бәріңізге ДЭНСаулық, БАҚыт тілим!

update:

p.s. «Не құсық пост мынау» деп жны кевотқандардың болуы табиғи нәрсе ғҰ! Посттың өзінен мағына көрмегендер, хотя б "әлемдік классиканың 100 танымал үлгісі осылар екен ғоооо" деп ойларыңа түйіп алыңдар нақ, миымды ашыта берми, бұқақаққа:)

Dom, milyi dom...

SADKO FM — Sun, 09 Oct 11 11:42:47 +0600

Bugin uidemin… Ozimdi keremet sezinip otyrmyn. Beine bir erkindikte jurgen syaqtymyn. Almatynyng kuibeng omirinen alystap uyime, januyamnyng ortasyna oralghanyma quanyshtymyn. Munda uaqyt jay otedi. Kuningning jartysy jol juruge ketpeidi. Pater jayly tipten uaiymdaudyng qajeti joq. Oz uyim — oleng tosegim:) Osy saittagylarmen oz oz uimnen habar alysyp turganyma quanyshtymyn:) Uraaaaaa:)

NFS Most Wanted — oinaityndar bolsa, Almatyga barganda jekpe-jekke shaqyram:)

Ertenggi efirde jolykansha:)

Ооооох, шынымен қорқам:)

SADKO FM — Fri, 07 Oct 11 07:49:36 +0600

Обычно, жұрт менен қорқады:) (c) Өзім

Режиссер: Квентин Тарантино

Сценарий авторы: Садко Шерімбек

{"Қорқынышш. Бытсс-паах" фильмінде}

Қорқам… Менің неден қорқатынымды айтқым келмеп еді. Олай ететінім — менің әлсіз тұстарымды басқалардың білгенін қаламаймын. Әйтсе де бірнешеуін атап өтуіме ешнәрсе кедергі емес:)

— Жаратушыдан қорқам. Мейірімінен тыс қалудан қорқам.

— Өзімнен қорқам. Дәлірек айтқанда, өзімнің білмей жасап қоятын ойсыз әрекеттерімнен

— Өлімнен қорқам. Жоқ, өлуден қорқам… Істеуім керек талай істер бар...

— Жалғыз қалудан қорқам. Жалғыз қалу дегенде, дос-жарансыз, ата-анасыз, бала-шаға, асыл жарсыз қалудан қорқам.

— Gmail почтамды ашқан кезде жаман хабарлама келіп қалмаса екен деп қорқам.

— Түнде біреулер келіп, сақалымды қырып кете ме деп қорқам уууууужс:)

— Он.кз сайты жабылып, осындағы блоггерлер далада қаламыз ба деп қорқам...

— SADKO FM ге шақырылатын қонақ таусылып қалатын күннен қорқам

— Анара ұрсып бере ма деп қорқам:) Тек мен емес, құдай-ау, бәрі қорқады:)

— Жылан, мысық, ит, ұлу, тірі жәндіктен қорықпайм. Бірақ соларға байқамай зиян келтіріп қоюдан қорқам.

— Жұмысқа беріліп істеп жатқан кезде, интернет немесе жарық сөніп қалуынан жамаааан қорқам;)

— Осы сайттың төбесінде тұрған рекламалардан қорқам:)

— Қорқатын нәрсем көп екен… Сенен айрылып қалудан қорқам (десем, кім ооол деулеріңіз ғажап емес, бұқақақа).

Қысқасы, тапаншаны, ойи яғни, таяқшаны келесі адамға берем. Келесі адам — Рауан СӘБИТҰЛЫ!

Лучше страшный конец, чем бесконечный страх.

Ф. Шиллер

{Соңы}

Өте шыққан бір жыл...

SADKO FM — Thu, 06 Oct 11 23:41:18 +0600

Ойланып отырмын… Уақыт деген зымырауда ғой. Кеше ғана мектеп бітіріп, мемлекеттік грантты жеңіп алып, арман қуып Алматыға келіп университетке түскен жас Садықтың бейнесі көз алдымнан бір сәтке өте шықты. Ол қандай еді? Есімде жоқ… Әйтеуір, университетке түскен күні-ақ группаластарын күлкіге қарық қылғаны есімде...

Қарасам, өз жұмысымды бастап, дербес болып жүргеніме бір жыл болыпты. Бұл жыл мен үшін өте қиын болды десем, өтірік емес. Талай өзгерістер орын алды. Алдандым… Кейде алдадым… Уақытты артқа қайтара алсам, Университетке қайтып достарым қатарлы 3 курс студенті атанып жүрер ме едім. Жоқ. Өткенге өкінбеймін. Бірақ өз-өзіммен болған осы жыл қуаныштарды әкелді. Ал, сәтсіздіктердің барлығы да өзімнің кінәмнан. Өте еріншек болып кеткеніме қынжыламын. Ертеңнен бастап дұрыстамақпын… Өткенді тазалаймын...

Адам өз проблемасына тіке қарап үйренуі керек. Ертеңге қалған сайын, үлкейе береді. Қысқасы, ойым шашырап кетті. Кеңес бере отырсаңыздар риза болар едім:)

p.s. Ертеңгі эфир қонағы блогосфераға келгеніне аз уақыт болса да өз жазбаларымен көпшілікті қуантып жүрген аруымыз Эльвира Ерғалина. Сұрақтарыңызды күтеміз:)

Мимо:) (жарияланған)

SADKO FM — Wed, 05 Oct 11 10:02:55 +0600

Алматы. Такси.
— Намаз оқисың ба, інім?
— Құдайға шүкір, аға. Енді, ептеп…
— Намаз оқыған жақсы ғой. Біздің үйде де барлығы оқиды. Өзім де оқып тұрамын.
— Дұрыс, аға. Қабыл болсын.
— Бірақ, сен маған мынаны түсіндірші. Осы сендер намаз оқисыңдар, жап-жас боп алып қойған сақалдарың мынау. Әй, осы бабаларымызда мұндай болған жоқ қой. Батырлар, билердің барлығы да ел ағасы, жігіт ағасы болған кездерінде сақал қойған. Сенікі не енді? Айтшы осыны?
— Енді, аға… Мәселе онда емес қой…
— Жоқ, сен тыңда мені. Көшеде келе жатып қараймын. Жап-жас қазақ жігіттері. Иегінде 3-4 тал сақал. Жарасқан, жараспағанымен жұмысы жоқ. Бұл қалай өзі? Балақтарын қысқартып алып, талтайып жүреді өздері. Әдептен жұрдай. Сенікі ондай емес қой енді. Бірақ, қандас бауырым деп, жаным ашығандықтан айтып отырмын. Менікі дұрыс қой???
— Иә, аға! Сіздікі дұрыс қой. Бірақ…
Жоқ, тоқта. Мен аяқтап алайын. Біз қазақпыз. Мұсылман болмай тұрып, қазақ болғанбыз. Өзіңе қарасам, жап-жақсы жігітсің… Ойлашы, төбемізден орыс, бір жағымыздан қытай жалмап жатқанда, мына жақтан сендер өздерің арабқа айналып жатсыңдар… Тілімізді қайта жаңғыртуымыз керек. Биліктегілер қайда қарап отыр, осы? Жастарға дұрыс тәрбие беру керек. Мен өзім өзіңдей жастардың сақал қойғанына қарсымын. Біз қазақпыз, бауырым. Бұл біздің бабаларымызда жоқ нәрсе. Түсіндің ба? Сен бұлай жасама. Үйіңе барып сақалыңды алып таста. Мұртың қала берсін. Қанымызға сай нәрсе жасауымыз керек бауырым. Дұрыс айттым ба?
-Дұрыс, аға! Айтқаныңызға қосыламын ғой. Мені кешіріңіз бірақ та, мен ұлтым түрік негізі...
Жаңағы бері айтып келе жатқан сөзі далаға кеткендей сезіммен, таксист кісі бір күрсініп алып, Төле Би – Байзақов көшелерінің қиылысында тоқтады.
— Жолыңыз болсын, аға!
— …

*Басты кейіпкер мен емес Орхан деген түрік досымКішкене шекпен жауып нетіп жатқан түрім ғо:)

Екі Садық

SADKO FM — Mon, 03 Oct 11 12:16:05 +0600

Христиандық дінде үштік наным деген ұғым бар. Оның түсінігі адамдардың бір құдайды үш түрлі бейнеде қабылдауында. Яғни математикалық түрде түсіндірсем, Құдай = Әке + Ұл(Иса) + Киелі Рух (астафирулла). Былайша біздің яғни қазақтардың құдай деген түсінігіне симайтын нәрсе.

Әсті, христиандықды дәріптеуден аулақпын. Кішкене пәлсапалық ойға шомғым келді. Ішімде екі Садық бар десем, сенбессіз! Бірақ бар! Ол екі Садық ет пен сүйектен тұратын қамал-денемді жаулау үшін туылғанымнан бері бір-бірімен арпалысып келеді. Бірі — сөзінде тұрмайтын, ең сұмпайы да нақұрыс, жауапкершіліктен жұрдай Садық болса, екіншісі — адамилығы жақсы, кең пейілді, досына адал, бірсөзді Садық! Түбінде кім жеңетінін білмеймін. Шындығында мен, осы Садықтардың қайсысына тиесілі екенімді де білмеймін. Кипр аралы сияқтымын… Бірақ бір заңдылық бар. Ешқашан бір жақ толық жеңбесі анық. Сондықтан да сонғы деміме дейін мендегі екінші яғни жақсы Садықтың үлесі көп болуы үшін тоқтамай күресіп өтемін, айи?!