ON.KZ. Блог пользователя Қайыржан .

Ар құны 200 теңге

Қайыржан . — Thu, 01 Dec 11 16:29:03 +0600

Кеше түс мезгілінде бір шұғыл жағдай орын алып, сол тірліктерді шешу үшін шыққам кеңседен. Барлық тірліктер шешілді, енді кеңсеге қайтып келу керек емес пе? Соткама үңіліп қарасам 14,45. Түскі ас болса үште аяқталады. Сатпаев көшесі бойынан такси ұстайын деп, қолымды созсам, тоқтайтын бір тірі жан жоқ. Бір кезде шампан түсті бір ескі фольксваген тоқтады, жүргізушінің қасында бір жап жас кәрістің баласы. Луганский көшесін білмейтін болар деген ойым бар еді, сондықтан Ленинаға дейін жеткізіп тастауды сұрадым. «Жарайды, балам, жеткізейін» -деді түк ойланбастан. "Қазір мына баланы жеткізіп тастайын, сосын сені апарармын" деді. Көндім. Уақыт болса қысып барады мені. Көлікке отырғалы он шақты сұрақ жаудырды ғо әлгі жүргізуші. Қайда оқисың? Кім боласың? Руың кім?-деп. «Кім боларымды тек Алла ғана біледі» деп суық жауап бердім, мазаламасын дегендей. Сатпаевамен келе жатсақ, Желтоқсан көшелерінің қиылысы жабық боп шықты. Әлгінің аузынан бұрын естімеген біраз боқтық сөз шықты. Оған қоса, көлік кептелісі жүйкемді тоздырып, әбден терлетті. «Балам, мен асығып тұр ем, шұғыл ісім бар. Ленинамен төмен түсем, Абаядан түсе салып жаяу көтеріле саласың ғой, ренжімеші, жарай ма?»-дегенде, құтыра жаздадым. Бірақ, сабырлық түбі-сары алтын деген қазақтың мақалы есіме түскендіктен, үн қатпадым. Ағамның жасы да шамамен әкемдікіндей. Абаямен тіке ұра берді. Қайдағы ұра берді? Көлік кептелісі емес пе? Өтірік айтып қоя жаздадым, күнә ретінде саналмайтын шығар мына ісім. Вообшым, Қонаев көшесіне жеткенде, ұзын бойлы студент бала такси тоқтатты, бізді. «Аға До Ленина Сатпаева двести» дегенде әлгі көп сұрақ қоятын ағам, көнбеді. Сәл ойланып, «апара салайыншы» дегенде көзім боулинг шырындай боп кетті ғой. Жана ғана жалынып, аянышты көзімен қарап еді ғой бетіме. Енді 200 теңгеге менің алдымда арын сатып отыр. Не болған адамдарға??? Ей, қалың жұрт, тыңда қазақ баласын, сатпа арыңды!

Личности

Қайыржан . — Sat, 26 Nov 11 13:31:56 +0600

Издательская группа TeNeues издали книгу, которая улыбнет каждого.В данной книге представлены лица деятелей эстрады, политики, науки и прочие знаменитости чьи лица стали всеми узнаваемы. Книга так и называется Famous Faces book. Вся фишка этой книги заключается в том, эти знаменитые лица представлены милыми мордашками! Да, да в образе домашних животных! Вышло весьма интересно.
А теперь смотрим, улыбаемся и отгадываем кто на картинке)

Достық жайлы эстафета. Менің достарым

Қайыржан . — Thu, 10 Nov 11 14:20:38 +0600

Ғанидің маған берген эстафета таяқшасын алуға мәжбүр болдым. Блог жазбағаныма мың жыл болған шығар, блог жазу шеберлігі маған тән емес екен, бірақ сонда да бірдеме жазып көрейін. Сонымен, достық эстафетасын бастайын.

Бұл досыммен танысқан күн есімде жоқ, шамамен 8 сыныпта оқып жүрген кез болу керек. Есімі Нариман, Мақатаев Нариман. Өзі де қыздармен танысқанда өзін сөйтіп таныстырады екен. Джеймс Бонд секілді. Нариман екеуміз қызықтардың көкесін талай рет басымыздан кешірдік. Солардың біреуі де ойыма келмей жатқаны, өзімді таң қалдырып тұр. А… міне, біреуісі түскен сияқты. Оқушымыз ғо сол кезде, жасымыз 16-17 шамасында, қалтамызда көк тиын жоқ, ә жоқ, өтірік айтамын, за проезд тиын тебендеріміз бар. Нариманның үйіне келіп «жүр, киін, кеттік» деген үш сөз айтсам, ұшып тұра келеді ғо, шіркін, сонда қазіргі 35 бағыттағы автобусқа мініп алып, қазіргі күнделікті келіп жүрген аялдамаға, Абая-Ленинаға келеміз. Абай атамыз тұрған ескерткіштің жанынан өтіп, компот (керемет керемет жер үйлер орналасқан элитный район ғо) жаққа ат басымызды бұрып, Көк-төбеге жаяу баратынбыз. Әйтеуір терлеп-тепшіп Көк-төбенің басына мініп, шаң-тозаң басқан Алматының сұлулығын тамашалайтынбыз. Айтпақшы, Нариман Қазақ ұлттық техникалық университетінің 4 курс студенті, мамандығы-программист. Танысқыларыңыз келсе, маған хабарласуыңызға болады.

Жан достарымды бөлек бөлек жаза беруді жөн көрмей тұрмын. Сондықтан жақсы араласатын достарыммен сіздерді бірден таныстырып кетейін.

Сол жақта ырбиып тұрған жігіттің есімі — Азамат. Шикі сары жігіт Алматы энергетика және байланыс университетінде білім алуда. Мамандығы Наримандікіндей — программист. Осы екеуі қосылса, бітті құлағымнан қан ағып, көзімнің алдында бір мен нөл сандарының шексіз тізбегі пайда болады. (білмесеңіз, нөл мен бірдің мағынасын программисттерден сұраңдар) Сол Азамат, енді жақсы жігіт қо, өзі Алматылық болғанымен, біз оны шымкентсткий деп атаймыз. Арамызда Шымкент өңірінің тұрғындары болса, ренжімеуіңізді сұраймын.Просто жігіт сап сары боп тұрғандықтан, сөйтіп атап кеткенбіз. Айтпақшы, осы фотодағы төртеуміз, жаңа жылды бірге қарсы алып, ақырында суреттің оң жағында орналасқан Санжарды үйіне дейін арқалағанбыз.(Ішімдікті шамадан тыс ішу, денсаулығыңызға зиян. Денсаулық Министірлігі) Езіп жібере жаздады ғо, онсыз да кішкентай Қайыржанды. Жасыл кофтадағы мен. Кейінгісін таныған шығарсыз, әлгі Нариман ғо.Секси.

Жоқ, жоқ төртінші тұрған жапон асханасының бас аспазшысы емес, барахолкідегі Ялянь сауда орталығының жанында орналасқан контейнерлердің бірінде еңбектеніп жүрген сатушы да емес. Бұл Санжар деген Қазақстанның мақтанышы! Енді еліміздің мақтанышы болатынына кәміл сенемін. Санжар Көпбаев ИНяз-да оқып жатыр, биыл сол институттың грантын жеңіп алып, Қытай елінде бір жыл тегін оқуға мүмкіндік алған. Қазір еттің орнына шыбын-шіркей, құрт-құмырсқа жеп, арықтап жүрсе керек. Кальян тарту ісінің хас шебері, бізді де соған үйреткен осы кісі. Айта берсем, әңгіме көп. Эстафета таяқшасын ағам Ботикке беремін.

"Қазақстан" қонақ үйі

Қайыржан . — Thu, 27 Oct 11 17:20:39 +0600

Қазақстан конақ үйін көрген адамдар бар шығар арамызда. Так вот!

Сигналдардың сандық тарату жүйелерін оқып, теориялық білімімізді практикада жүзеге асыру керек еді. Зертханалық жұмыс орындау барысында осциллограф бетінен көрген сурет астында

Ұқсай ма?

Студенттерге айтар жақсы жаңалығым бар))

Қайыржан . — Wed, 19 Oct 11 17:56:37 +0600

Ассалаумағалейкум блогшы қауым! Блогшылардың көбісі жастар, студенттер. Сіздерге деген жақсы жаңалығым бар, өзім де соған қатты қуанып отырмын.

Аялдамадағы дүңгіршек жанында тұрған таксофонға ұқсас темір қорабқа көзім еріксіз түскенде, аң-таң болдым. Таксофондар әлі бар ма? деп, қасымдағы досымнан сұрай бердім. Мамандығым байланысшы болғандықтан, жанағы құрылғының қасына жайлап қана қадам бастық. Ары қарайм, бері қарайм телефон тұтқасы көрінбейді. Темір қорабтың бетіне дұрыстап қарағанда, оның таксофон еместігіне көзім жетті. Кәдімгі төлемдерді қабылдайтын терминал екен! Фотодан көріп тұрғаныңыздай ешқандай қосымша комиссиялар алынбайды. Қанша салдың, сонша түсті! Сол құрылғыны зерттеп қана қоймай, телефонға ақша салып алдық. ПЫ СЫ: жоғарыда айтылған терминал Байтұрсынов пен Ғабдуллин қиылысындағы аялдамада орналасқан.

=)

Қайыржан . — Sat, 01 Oct 11 16:42:56 +0600

Тағы да бір "простой"....

Қайыржан . — Mon, 26 Sep 11 23:22:52 +0600

Нокиа компаниясы екі сим карталы телефондар қатарын тағы бір үлгімен толықтырып отыр. Сатылымға енді ғана шыққан құрылғының атауы нокиа 101. Бұл құрылғының басқа «простой» телефондардан ерекшелігі, екі сим карта мен мп3 қолдайды! Иә, иә! Бүйір қырында микросд картаға арналған слот бар. Қарапайым нокиалардікіндей шам мен құлақшындарға арналған стандартты 3,5 мм тінтуір, музыка тыңдармандарын қуантатыны сөзсіз. Бұл телефон — оқушыларға, не болмаса өздерінің бірінші, немесе уақытша ұстай тұруға арналған. Айтпақшы, бағасы 6000 теңгенің шамасында! Артық 6000 теңгеңіз болса, достарыңызбен сыра ішкенше, осындай телефонды ата-әжелеріңізге алып беріңіз. Автобуста ең болмаса музыка тыңдап отырсын.

Иттің адамнан не артықшылығы бар?

Қайыржан . — Wed, 14 Sep 11 16:27:11 +0600

Осы адамдардың шығармайтыны жоқ! Таң қалып отырмын.

Қызылжарда 160- тан астам ит пен мысық жерленген арнайы зират бар. Зират орманның ішінде орналасқан көрінеді. Сүйікті жануарларын жерлеп, бастарына тас қойып, зиратын қоршап қояды екен. Бұны білген прокуратура қызметкерлері, әлгі жер заңсыз жасалған деген шешімге келеді. Заңсыз болғаннан кейін, бұл зираттың көзін құрту керек қой. Прокуратура қызметкерлерінің шешімін естіген халық, «бұл жерді қалай болса да сақтаймыз»- деп шулап жатыр.

«Ит-жеті қазынаның бірі» деп қазақтар бекер айтпаған. Адамдардың итке деген құрметі осыдан көрінбей ме? Мүмкін бұл іс дұрыс шығар?

Бірақ, былай ойлап қарасам, кейде адамдар жерленбейді.( көшедегі қаңғырбастар) Анау байғұс болса, ит, құстарға жем болып жатады бір жерде. Сонда иттің адамнан не артықшылығы бар?

this is YAZ!!!

Қайыржан . — Sun, 11 Sep 11 00:49:52 +0600

Аполлон 18

Қайыржан . — Sat, 10 Sep 11 11:02:21 +0600

Вчера сходил в кино на Аполлон 18.

По сюжету картины: Американские астронафты отправятся в экспедицию на луну. В фильме говорится что это было реальной историей, и что астронафты наснимали 84 часа пребывания на луне и в открытом космосе. А фильм смонтирован якобы из этих кадров. Так вот, приземляются они на луну, и на второй день экспедиции им покажется что что-то ни так. Шумы какие-то, помехи в радиоаппаратуре. Астронафты выйдут на поверхность луны, для того чтобы взять пробы лунной земли, камней. По пути они обнаружат советский космический аппарат, и решают войти в него. Попав во внутрь вражеского корабля, онди из астронафтов обнаруживает кровь на приборах и полный беспорядок. Выйдя из корабля, (скорее это капсула, не космонафт я, немогу точно сказать) они отправляются на поиски предпологаемых советских космонафтов. Спустившись в один из кратеров луны (углубление на поверхности луны, температура в них намного ниже), они находят советского космонафта, мертвого. Короче, они в шоке. Затем один из астронафтов бредет и говорит что у него в скафандре что-то движется. Напарник обнаруживает рану у сослуживца, приглидевшись он понимает что в его организме есть инородное вещество. Достав его из организма, они исследуют эту вещь.Оказалось что это лунный камень. Этот камень превращается в… жуков!!! Ха!!! вот американская логика! Короче один умирает, второго решают не спасать потому как он был под опытным кроликом, американские власти знали что на луне что-то происходит странное. Но третий друг решает помочь напарнику, выходит с ним на связь и решают состыковать два корабля. Американцы угрожают третьему, и приказывают не спасать астронафта. Отрубают им связь, и в итоге они врезаются друг в друга. (Два корабля). А теперь ляпы!!

Ну как фильм мог быть основан на реальных событиях, если корабли столкнулись и камеры уничтожились! 84 часа съемки!!

И как они хотели состыковать два корабля?! Американский и советский? если конечно только если их не строили на одном заводе))) Полный бред!

Вообщем, не понравился фильм, и кондер врубили, замерз!

Қызық болсын

Қайыржан . — Thu, 08 Sep 11 17:44:35 +0600

Бір қыз агент арқылы суретші жігітпен сөйлесіп отыр:

-Ой, мына жібергеніңіз қандай қызық смайлик. Ешқашан бұндай смайлик көрмеп едім.

-Кешіріңіз,қарындас, бұл менің суретім ғой.

7 жынды суретке түсіп жатыр екен. Біресе 4-еуі тұрып, 3-уі отырып, кейін керісінше 3-уі тұрып, 4-уі отырып. Бұларды көрген бір кісі:

-Неге олай түсіп жатырсыңдар?-десе, олар:

-Жұмысың болмасын, біз 3х4 суретке түсіп жатырмыз!

Автобуста кәрі кемпір арық жас адамға орын бермекші болады:

-Отыр сормаңдай, соншама неге арықсың? Науқассың ба?

-Жоқ, рақмет. Мен-студентпін.

-Онда сөмкеңді бер, ұстап тұрайын!

-Бұл сөмке емес, бұл менің досым-Арман!

Жәй әншейін

Қайыржан . — Tue, 06 Sep 11 22:48:29 +0600

Соңғы курс...

Қайыржан . — Tue, 06 Sep 11 15:59:12 +0600

Қыркүйек айы да келіп қалды. Бірі күні таныс маршрутпен университетке қарай тарттым. Байтұрсыновтың бойымен келе жатырмын, ептеп. Көше бойынан таныс үйлер, ғимараттардың кескіні көріне бастады. Міне университетке де жеттіп қалдым, алдымнан таныстарым шыға келіп, амандасып қал-жағдайымды сұрап жатыр. Амандасып, жүздескеннен кейін «Б» корпусының табалдырығын аттап, 2 қабатқа қарай еріксіз жүре бердім. Деканаттың алды. Қай студент қай топқа жазылғаны жайлы жазылған, ұзын тізімнен атымды жан таласа іздей бастадым. (4 курста мамандық ішінде тағы бір бөлінулер болады) МСТк 08-2 тобына түсіппін. Баяғы группаластарым басқа топтарға түсіп, қайғырып жүр. Қайғыратын несі баР? Бәріміз университетте әлі бір жыл оқимыз ғой!-деген сөзімді ешкім елемей, көңілсіз боп жүрді, бастарын төмен түсіріп.

Бірінші курс студенттері жүгіріп жүр құмырсқадай, түк түсінбей, потерянный болып! Мен болсам, осы жыл тезірек өтсе екен деп жүрмін. Бір-ақ жыл қалды оқу бітіруіме, Аллам бұйыртса бір маман иесі болатын шығармын. Соңғы курс...

P.S. Қуанайын ба, жылайын ба?

aTunes

Қайыржан . — Sat, 27 Aug 11 12:41:04 +0600

Связь без брака!

Қайыржан . — Fri, 26 Aug 11 21:13:11 +0600

Друзья сфотались когда шли в горы, Прикольно получилось. Тут же возникла идея создать что то типа баннера. Сам пользуюсь сотовым оператором Теле2 и тут эта фотка мне попалась. НЕ НА ПРАВАХ РЕКЛАМЫ. Смотрим на 1-ую картинку и потом резко на 2-ую!

1-ая картинка

2-ая картинка

Youtube жұлдызы-Ернар Қалдынов

Қайыржан . — Fri, 26 Aug 11 15:25:40 +0600

Бәріміз де Суперстар.кз жас әншілер байқауын тамашалағанбыз. Домбырасын құшақтап, сахнада фристайлоны айтқан, Ернар Қалдынов бүгінгі күні интернет жұлдызына айналған. Бір сәтте жұлдызға айналған Ернар, бүгінгі күні мәдениет үйлердің бірінде солист болып жұмыс істейді. Ауылына оралып, тойларда ән салуды жөн көрген Ернарды, Фристайлоны айтқызбай үйіне жібермейтінін газет тілшілеріне хабарлаған. Ернар үйленіп, бала тәрбиелеп жатыр.

Фристайлодан басқа өлеңім жоқ!-дейді жұлдыз, осындай талантты жастарымыз көбейсе екен деп жүрміз. Ал Фристайлоны көрмеген блогшыларға, экран бетінен алыстамағанын сұраймыз. Қабыл алыңыздар!

Есеп шығарып, миымызды жаттықтырайық

Қайыржан . — Thu, 25 Aug 11 16:33:41 +0600

Берілгені: Сағат таңғы 6.45. Табу керек: минуттық және сағаттық тілдерінің арасындағы бұрыш қаншаға тең?

Эстафета. Алғашқы махаббат

Қайыржан . — Tue, 23 Aug 11 16:56:03 +0600

Махаббат… не деген нәзік сезім десеңші. Осы пәк сезімді әр адам өмірінде бір рет болса да сезінеді ғой......

Ең алғашқы махаббат басталады партадан-дейді ғой, өтірік! Менің бірінші махаббатым-көршінің қызы еді. Көршінің қызы керемет еді, әкесі оның жақсы адам- деген өлең жолы бар еді ғой. Сол тура менің жағдайымның түпнұсқасы ғой! Қыздың аты Сабина, шашы қап-қара, көзі ботадай, неткен бір періштедей көрінді маған. Сол кездегі менің жасым 12, қыз меннен екі жас кіші болатын. Ол қыздың артынан екі жыл жүгірдім ғой, түк шықпады. Ал қыздың әкесімен тез тіл табыстым. Қызының маған ұнайтыны жайлы сезгендей: Қыз бар ма деген?-провакационный сұрақ қойғаны әлі есімде. Иә аға, сіздің қызыңыз ұнайды-деп қалай айтам? Маған «Жоқ» деген сөзі әлі есімде, қоңыр күздің бір жаңбырлы кеші еді, ауладан Сабинаны ұстап алдым да, ішімдегі қайнап жатқан ыстық сезімімді тура бетіне ашық айттым! Сондағы оның маған қайырған жауабы былай болды: Қайыржан, сен менің жан-досымсың, саған деген ешқандай сезімім жоқ, кешір. Осы сөзді естігенде, ішімде бірдеңе сынып қалғандай болды. Уақыт өте келе ол қызға деген сезімім суып та кетті. Қазір болса ол қызбен жақсы доспыз. Осы қызды мен өмірімнің соңына дейін ұмытпайтын сияқтымын, орны ерекше. Әлгі қыздың әкесі программист, мені көрген сайын миымды жейді ғой кәдімгідей.

Тааааааак. 16 жасқа толып, 10 сыныпқа баратын кез де жақындап қалды. Бірінші қыркүйек еді. Барлық оқушылар ақ көйлектерін киіп, қолдарына бір-бір гүлдерін құшақтап алған еді. Сол кезде білім министірлігінің жарлығымен барлық оқушыларды екі бағытқа бөлу жұмыстары жүргізіліп отырды. Мен Динара оқыған сыныпқа түстім. Айтпақшы, сол қыз ғой, екі жыл бойы басымды ауыртқан. Бойы меннен сәл аласа, қаралау келген қыз еді. Бір көргеннен ғашық болдым. Жарты жыл уақыттай ішімдегі сезімімді айта алмай жүрдім ғой, жанымды ауыртып. Бірге киноға, театрларға барып, уақытты жақсы өткізетінбіз. Күн өтті, ай өтті, Динараға деген сезімімді білдіретін кез келді деген шешімге келдім. Менің бастауыммен сыныппен табиғатқа шығуды жоспарлағанбыз. Сол шықтық, көңілдендік. Динара екеуіміз бір бұлақтың қасында жұрттан бөлініп тұрғанбыз. Сол кезде «люблю-трамвай куплю» сынды сөздер ауызымнан оқтай ұша бастады. «Жоқ» деді. Мен қалай болса да Динараның жүрегін жаулап алуым керек!-деп артқа шегінбедім. Ақпан айы да келіп қалды, далада қар жатқан кез еді. Дала боран ғой, мен болсам махаббат іздеумен әлек жүрмін. Бәрі білетін қазаққа жат День Валеньтина 14 күніне сай келмей ме? Сол үйдің қасындағы гүл сататын киоскіден бір раушан гүлді сатып алдым да, Динараның үйіне ат басымды бұрдым. Үйі демекші, Қалқаман ғой, Алматылықтар оның қай жерде екенін біледі ғой. Тағы қызықтың көкесі сонда, нақты үйдің тұрған жерін білмедім ғой. Сол екі сағаттай аралап жүріп, үйін таптым. Есігін тарсылдатып едім, ешкім ашпады. Телефонына қоңырау шалдым: «Динара, далаға шыға қойшы, саған бір әңгімем бар еді». — деп міңгірледім телефон тұтқасына. «Ой я щяс не могу, занята!»-деп жауап қайырған болатын. Вот неудачник!- деп өзімді бір боқтап қойдым да, есікті қайта тарсылдата бастадым. Бір кезде мамасы есік ашты, гулді Динараға табыстауды сұрадым. Вопшым, ол қызбен де ештеңе шықпады.

Қазір қыздармен араласып-құраласып жүрміз ғой, бірақ осы постта қазіргі кезең жайлы жазуды жөн көрмедім. Тілім тиіп қала ма деп жүрмін өзімше.

Эстафетаның барлық шарттары есімде жоқ, толық жазбағаныма кешірім өтінемін. Ал эстафета таяқшасын Дианаға табыстаймын.

Ғасыр ұрлығы

Қайыржан . — Mon, 22 Aug 11 09:46:26 +0600

1911 жылдың 21 тамыз күні, яғни 100 жыл бұрын, XVI ғасырда итальяндық Леонардо да Винчи салған әйгілі Джокондасы ұрланған болатын. Бұл ұрлықты-"ғасыр ұрлығы" деп те атап кеткен. Француз тәртіп сақшылары барлық Парижді тінтіп шыққанымен ештеңе шықпады. Лувр мұражайының басшысы орнынан босатылған болатын. Екі жыл бойы әйгілі портретті іздеумен полицей қызметкерлері әлек болатын. Портретті ұрлады деген күдікпен Гийом Аполлинер қамауға алынды. Бұл қылмысқа испандық Пабло Пикассоның да қатысы бар деп, көптеген бұқаралық ақпарат көздері шулаған болатын. Бірақ арада екі жыл өткеннен кейін Джоконда табылған болатын. 1913 жылдың 13 желтоқсанында «Уффици» галерея бастығына Леонардо деген кісі: Джоконданы мен ұрладым!-деген хабар жеткізеді. Леонардо галерея бастығымен кездесу кезінде қамауға алынады. Қылмыскер Винченцо Перуджиа деген кісі болатын, оның айтуынша, Луврда жөндеу жұмыстары жүрген кезде, ол сырлау жұмыстарын жүргізген. Мұражай жабылғанға дейін ол бір шкафтың ішіне тығылып, кейін портретті ұрлағанын айтты. Перуджианың осындай қылмысқа итермелеген-Отанына деген патриоттық сезім болатын. Ол Джоконданы Италия еліне қайтаруды қалайтын. Сот шешімі бойынша, Винченцо темір торға 1 жылға қамалған болатын, бірақ тәртібі жақсы болғандықтан, түрмеден 7 айдан кейін шыққан. Бірақ қайтарылған портрет түпнұсқа ма, көшірме ме?-деген сұраққа нақты жауап ешкім бере алмайды.

Жанармай тапшылығы.....

Қайыржан . — Thu, 18 Aug 11 10:28:47 +0600

Кейінгі кезде, жағар-жанармай станцияларында көлік кептелісін байқайтын болдым. Жанармай станцияларында, көлік жүргізушілер арасында кең таралған АИ-92 маркалы жанармайдын жоғын байқауға болады. Жанармай тек арнайы талондармен сатылып жатыр. «Тірі» ақшаға, тек ең қымбат АИ-95,96 маркалы жанармайды сатып алуға болады, бірақ оның бағасы тым қымбат. Осы жағдайларды байқап, жақын арада бір шешім табылмаса, жанармай тапшылығы болатынына күмәнім жоқ.

Бірақ бәрі ойлағандай жаман емес.......

Бүгін радиодан бір жағымды жаңалық естідім. Алматыда 2014 жылға дейін, барлық аурухана машиналары мен қоқыс жинайтын көліктер толықтай газға көшіріледі! — деп бір үкімет өкілі мәлімдеді. Қазіргі таңда, Алматы көшелеріндегі 200-ге жуық автобус осындай көгілдір отын арқылы жұмыс істейді. «Біздің жоспарымызда келешекте жеңіл автокөліктерді газға көшіру»-дегенді де естіп жатырмыз. Егер бірер жылда айтылған сөздер жерге тасталмаса, Алматының экологиялық жағдайын жақсартып, қала тынысын ашуға үлкен мүмкіндігіміз бар. Алматыда шамамен 500-600 мыңға жуық автокөлік тіркелген. Осыншама көлікті қалайша газға көшірейін деп жүр екен?

Вот это PR!!

Қайыржан . — Fri, 12 Aug 11 17:32:48 +0600

Только что наткнулся на новость о Казахстанских дизайнерах которые очень креативно раскрасили мотоциклетные шлемы. По моему очень креативно, давно пора что нибудь эдакое создать! Фото с сайта www.good.kz

Ырымдар. Эстафета

Қайыржан . — Tue, 09 Aug 11 15:07:54 +0600

Мейіргүл берген эстафета таяқшасын алдым.

Қазақ халқы өте ырымшыл ғой, оның дәлелі ретінде: ырымдардың, наным-сенімдердің таусылмайтындай ұзын тізімі. Негізі ырымдарға өзім қатты сене бермеймін. Бірақ үлкендердің айтқанын тыңдау керек, және де ырымдар жайдан жай айтылмаған сөз болу керек, олар бір маңызды нәрсеге негізделеді деп ойлаймын.

Жоғарыда көптеген айтылған ырымдар күлкі келтіреді, мысалға: тамақты, шәйді кішкентай қасықпен жеме, жұбайың алқаш болады деп, меңінше алқаш болатын адам «полюбому» шөлмекке салынады. Сонымен қасық жайлы ырым- подъезд алдында отыратын әжелердің сандырағы деп түсінемін.

Алдыңнан қара мысық жүгірсе, түймені ұстау керек деген ырымға бұрын сенетінмін, қазір неше түрлі түсті (Әр түрлісі болады ғой, көздері көк, жасыл, тіпті қарашығы жоқ мысықты көруге болады.) мысық өтсе де, мейлі маған. Бір қызық ырым екен.

Табалдырықта тұрма деген ырым орынды айтылған деп ойлаймын, өйткені жаулар бұрын сөйтіп жасағанды кітаптардан, кинолардан білеміз.

Меңінше, суға, бұлаққа,өзенге түкірме деген ырым, өте дұрыс айтылған. Өйткені, су өмірдің бастауы ғой, адам құрамы 80 пайызы судан тұрады, суды құрметтеп, ұқыпты пайдалануымыз жөн.

Мейіргүл айна жайлы ырымдар жазып кеткен болатын, мен де соларға қосыламын. Сынық айнаға қарама! -деген ырымды балалық кезден ақ ұстанамын, үйге қайта оралсам, айнаға міндетті түрде қараймын. (Бір жаққа, қонаққа шыққанда да қараймын).

Бас киімді айналдырма!-деп балалық кезімде әке-шешем айтатын. Қазір бас киімд неге айналдырдым деп, өз-өзіме сұрақ қоямын. жауап жоқ.

Ырымдардың, жоғарыда айтып кеткендей, саны көп қой, сондықтан да олардың арасында дұрысы да, бұрысы да кездесетіні бәрімізге мәлім. Ал эстафета таяқшасын Айгүл Болатханқызы апайымызға беремін.

Карьера

Қайыржан . — Sat, 06 Aug 11 13:07:12 +0600

недавно наткнулся на интересную картинку в интернете, решил что Вам она будет интересна!

Көшедегі ағаштар

Қайыржан . — Fri, 05 Aug 11 09:53:28 +0600

Табиғаттың түрлі қызықты көріністерінің куәсі болған шығарсыздар.

Өз көзіммен көрмесем де, бұл суреттерді экран бетінен көргенде, езу тарттым. Осы суреттерді сізде көрулеріңіз қажет, кішкене болса да көңілдеріңіз көтеріледі деп ойлаймын.

Ескерткіш

Қайыржан . — Tue, 02 Aug 11 11:57:17 +0600

Қызылорда қаласында, танымал рок әнші Виктор Цойға арнап ескерткіш орнатылмақ.

Цойға ескерткішін орнату, суретші - Рустем Альжановтың идеясы. Ол Цойдың шығармашылығын зерттеген, туысқандарын таниды. Рустем, Цойдың суретін алғаш рет 11 жыл бұрын Қызылорда қаласына, Виктордың анасы Валентина Васильевна келгенде, салған екен. Ол сол суретті Валентина Васильевнаға табыстайды.

Цойға арналған ескерткіш Қызылорда қаласындағы «Универсам» ықшам ауданында орнатылмақ.

Эстафета. Арманымдағы мамандық.

Қайыржан . — Thu, 28 Jul 11 18:53:59 +0600

Болат Бек эстафета таяқшасын алмай, оны мен алуды жөн көрдім. Бәрімізде балалық шақта бір маман иесі болуды армандағанбыз. Мен балалық кезімнен тауға өрмелейтін альпинист болуды армандағанмын. Кейін есейіп, осы арманыма жетпейтінімді түсінідім.

Ұрыларды құрықтаудан шаршамайтын, үнемі китель киіп, полицей қызметкері болуды мен де армандадым. Иә, қызық емес пе? баскесерді ұстап,қолына кісен тағу. Қазір ойлап қарасам, сұмдық қой жұмыстары: күнде баскесерлерді ұстаудың қаупі өте үлкен ғой. Осы идея миымнан кеткені қандай рахат.

Кішкентайымнан қолымнан отвертка, паяльник түспейтін. Үйдегі үзілген телефонның сымын жалғап, Тв антеннасын жөндеуден жалықпадым. Бітіруші сыныпқа жеткенде, байланысшы мамандығын таңдадым. Ауылдарды қаламен байланыстырып, адамдарды бір-бірімен сөйлестіруге ынтам бар. Құдайым бұйыртса, ұялы телефонның сөйлесу бағасын түсіру үшін қолымнан келгенше еңбек етемін.

Эстафета таяқшасын Ғазиза Ұзаққа табыстадым)

АЭжБУ

Қайыржан . — Thu, 28 Jul 11 18:15:29 +0600

Бұл роликті АЭжБУ яғни Алматы Энергетика және Байланыс Университетінің КВН командасы түсірген болатын. Творчестволық қадаммен түсірілген деп есепттеймін. Көп сөз айтқанша, келіңіздер-көріңіздер!

Жан түршігерлік жол апаты

Қайыржан . — Wed, 27 Jul 11 09:11:35 +0600

Бәрімізді шаршатып жүрген тақырып-жол апаты.

Бұл жол апатын он.кз-те міндетті түрде жазып, талқылау керек-деп шештім. Өйткені бұндай адамдардың надаңдығы-көптеген адамдардың өмірін алып кетуі әбден мүмкін.

Екі жол тасымалдаушы автобус Рысқұлов пен Кудерин көшелерінің қиылысында жол апатына түскен. Абырой болғанда автобус ішінде жолаушылар жоқ еді. Полицейлердің айтуы бойынша бір автобус жүргізушісі жылдамдығын үлкейтіп, қарсы жолдың бетіне шыққан болатын.

Мына суреттерді көріп, араларымызда автобус жүргізушілері кішкене болса да ойланып қалар деген үміттемін.

Суреттер www.zakon.kz сайтынан алынған. Толығырақ: http://www.zakon.kz/top_news/225924-zhutkoe-stolknovenie-passazhirskikh.html

"Автошкольное" авто попало в аварию

Қайыржан . — Mon, 25 Jul 11 17:12:30 +0600

На перекрестке проспекта Алтынсарина и улицы Шаляпина произошло столкновение двух автомобилей. Водитель автомашины Volkswagen, ехавшей по Шаляпина в западном направлении, не заметил автомобиля Ауди-100 и допустил столкновение с ним.

В результате ДТП пострадали три человека. Однако травмы оказались легкими и после осмотра врачами «скорой» всех троих оставили на месте происшествия для детального разбирательства.

Источник Today.kz

Эстафета. Жеке басымдағы жаман қасиеттер.

Қайыржан . — Fri, 22 Jul 11 17:54:12 +0600

Эстафета таяқшасын алуға менің ынтам болмаған еді, қайтейін? Ұстаттыма таяқшаны-ал! Жеке басымыздағы жаман қасиеттерден арылуымыз керек негізі, бірақ қолымнан әлі келмеді. Сонымен, кеттік.

Бірінші жаман қасиетім, адамдармен дау-жанжал оқиғаға түссем, ол адамның позициясын тыңдамай, тек өзімнің пікірімді дұрыс деп санаймын. Кейде сондай талас-тартыстар жақсылыққа апармайды.Қайтем енді? Табиғатым сондай.

Екінші жаман қасиетім — Адамның айтып жатқан әңгімесі қызық болмаса, бетіне басып беремін. Жынданса жындана берсін.

Үшінші жаман қасиет — мен өте шыдамсыз адаммын. Егер кездесуге адамды шақырсам, ол міндетті түрде белгіленген уақытта келуі тиіс. Егер бір минутке кешіксе, дереу қоңырау шалып, қашан келетінін сұраймын

Кемшіліктер бар ғой, бірақ қазір есіме түскені осылар ғана=)

Эстафета таяқшасын Айжан Табынға табыстадым)